بلوچستان لبریشن فرنٹ ءِ جارکش میجر گوھرام بلوچ ءَ شنگ کتگیں درشان ءِ تہ ءَ گوشتگ کہ مئے سرمچاراں ھژدہ نومبر شپ ءَ کوھلو ءِ دمگ کشک کوہ ءَ جتگیں یوپون موباھل ٹاور مانداشتگ سولر پینل ءُ جنریٹر ءَ ھوار مشینری تباہ کتگ اَنت-
جارکش ءَ گوشتگ کہ پاکستان وتی ھال اھوال نزام ءَ چہ بلوچ سرمچاراں تاں سربیگ ءُ آیانی موباھل ءَ ٹریس کنگ جھد کنگ ءَ اَنت بلے گل ءِ سرمچار ءُ انٹلیجنس ونگ ھر وھد ءَ اے شوربندیاں بے سوبی ءِ دیمپان کنگ ءَ اِنت کہ آیانی مول سرمچاراں تاوان دیگ اِنت-
آئی ءَ گوشتگ کہ مروچگیں وھد نوکیں ٹیکنالوجی ئیگ اِنت، ءُ بی ایل ایف ءِ ٹیکنیکل ٹولی نوکیں ٹیکنالوجی ءَ کارمرزی ءِ پائدگ ءُ تاوانانی درگت ءَ شر سرپدی ھست-
جارکش ءَ گوشتگ کہ بلوچستان لبریشن فرنٹ اے اُرش زمہ واری ءَ منّ اِیت بلوچستان ءِ وتواجھی ءَ تاں پاکستانی پوج ءُ پوجی شوربندیانی سر ءَ اُرش برجاہ بنت-