گوستگیں شپ ءَ آئی جی پہ میٹرو سٹیشن راولپنڈی ءِ نزیک ءَ پاکستانی پوج ءَ یک فلیٹے ءَ بیڑ برتگ ءَ فلیٹ ءَ جھمنندیں بلوچ نودربر آوار جتگ ءُ بیگواہ کرتگ اَنت-
بیگواہ کنگ بیتگیں مردمانی پجار سلیم عارف ء عارف علی جھمنند تربت بی بی اے ءِ ششمی سمسٹر ءِ نودربر، بالاچ فدا ء فدا اھمد جھمنند تربت بی بی اے ھشتمی سمسٹر ءِ نودربر، خدا داد ء عبدالقادر جھمنند تربت دشت ڈاڈھے آئی آر ھشتمی سمسٹر ءِ نودربر، خلیل اھمد ء سومار جھمنند تیرتیج آواران آئی آر ھپتمی سمسٹر ءِ نودربر، خلیل اھمد ء اقبال جھننند ڈنڈار تربت آئی آر ھشتمی سمسٹر ءِ نودربر، ھمل ھسنی ء سید مھمد جھمنند آواران آئی آر ءِ ھپتمی نودربر، بابر عطا ء عطا جھمنند پنجگور آئی آر ءِ ھپتمی سمسٹر ءِ نودربر ،نور مھیم ء مھیم جھمنند پنجگور آئی آر ءِ پنچمی سمسٹر ءِ نودربر، افتخار اعظم ء مھمد اعظم جھمنند آواران ایجوکیشن ھپتمی سمسٹر ءِ نودربر ءُ احسام ء اکبر جھمنند پنجگور ءِ ناماں زانگ بیتگ اَنت-
بلوچ اسٹوڈنٹس کونسل اسلام آباد ءِ گوشگ اِنت آیانی بیگواھی ءِ سر ءَ پریشان انت ھمک کس ءَ آیانی سلامتی ءَ یلو کنگ ءِ دزبندی ءَ کن ایں-
آئی ءِ گوشگ اِنت اگاں مئے ممبر یل نہ بیت اَنت گڑا زوت نوکیں گامگیج ءِ جار ءَ جن ایں-