مرچی سھب ءَ بلوچستان ءِ پنجگور ءَ پاکستانی لشکر ءِ دست ءَ بیگواہ بوتگیں برات صابر نور ءُ عابد ءِ کھول ءَ زھرشانی کنان ءَ سی پیک ءِ راہ بستگ ۔
پنجگور ءِ دمگ ءَ سرادک زمزم ہوٹل ءِ سیاد ءُ وارسانی نیمگ ءَ سی پیک ءِ راہ بند کنگ بوتگ۔
مرچی پیسر ءَ ھاندان ءِ مردمانی نیمگ ءَ پریس کانفرنس ھم برجم دارگ بوتگ کہ اود ءَ آیاں انتظامیہ ءَ دو بج ءِ وھد داتگ کہ آ دوئیں براتاں یل بہ کن اَنت اگاں ناں زھرشانی ءِ رد ءَ سی پیک ءِ راہ بند کنگ بیت۔
زانگ بہ بیت اے برات مرچی سھب ءَ پنجگور ءِ دمگ تارافس ءَ پاکستانی لشکر ءَ بیڑ ءِ تہ ءَ دزگیر کُتگ اَنت۔