کیچ ءِ دمگاں مزنیں کچے ءَ پوجیانی آیگ برجاہ، لشکر کشی برجاہ

بلوچستان ءِ دمگ کیچ ءَ لشکر کشی برجاہ، دمگ ءَ مزنیں کچے ءَ پوجی اَتکگ اَنت-

گیشیں ھالانی رِد ءَ کیچ ءِ دمگ دشت ءُ کش گوراں لشکر کشی برجاہ ءَ اِنت وھدے کہ مزنیں کچے ءَ پوجی کارمندانی آیگ ھم برجاہ ءَ اِنت-

دمگی اِھوالکار رِد ءَ مروچی مگرب ءِ وھد ءَ پوجیانی مزنیں بُنجل ءَ پُترتگ اَنت کہ دشت ءِ دمگ شولیگ، نگور ھور ءَ گندگ بیتگ اَنت-

دومی نیمگ ءَ مروچی دمگ ءَ ھیلی کاپٹرانی برز بال ھم گندگ بیتگ اَنت وھدے کہ دشت ءِ کوھی دمگ سیاھیجی ءَ ھم لشکر کشی برجاہ ءَ اِنت-

لشکر کشی درگت ءَ انگت واکدار ءِ ھچ وڑیں درشان دیم نیتکگ لشکر کشی ءَ ھچ وڑیں جانی تاوان یا دزگیری ھال نیست اِنت-