بی ایل اے ءَ آپریشن ھیروپ ءَ ھواریں زالبولیں فدائی ماھل بلوچ ءِ گڈی کلوہ شنگ کتگ

بلوچ لبریشن آرمی ( بی ایل اے) ءِ میڈیا پتر ھکل “ آپریشن ھیروپ ” ءَ ھواریں بی ایل اے مجید برگیڈ ءِ سیمی زالبولیں فدائی ماھل بلوچ پنام ءِ زیلان کرد ءِ کھول،راج ءُ سنگتانی نام ءَ تامربندی کلوہ شنگ کتگ-

تامر ءِ بندات ءَ مجید برگیڈ ءِ بازیں کچے ےَ زالبول ناشناسیں کوھی دامنے ءَ گشت کنگ ءَ گندگ بیت اِنت-

تامر بند ءَ ماھل بلوچ درستاں پیش وتی کھول ءَ کلوہ دیان ءَ گندگ بیت اِنت – چریشی ءَ چہ ماھل بلوچ گوش ایت من لوگ ءِ مردماں اے گوشگ لوٹ آں ھما راہ ءِ من گچین کتگ اے منی واھشت ھمے بیتگ من بلوچ جھد ءِ آجوئی ءِ بھر بہ باں پرچاکہ ما گوش ایں ما ند ءِ گون ءَ جنگ کت کن ایں بلے مئے دشمن تاکتور اِنت، آ ند ءَ سرپد نہ بیت اِنت – آئی ءِ گون ءَ تیر، بمب،توپ ءَ گوں گپ کنگ بیت اِنت-

ماھل بلوچ وتی کلوہ ءَ گوش ایت اچ من پد ھچ رنگ ءَ گمیگ مہ بیت اے جنگ ءِ بھر بہ بیت مئے گوھار ءُ براتانی گاماں گون ھمگام بہ بیت اِنت-

ماھل بلوچ ءَ گوش ایت من وتی لوگ ءِ مردماں اے گوشگ لوٹ آں اَچ من ءَ پد وتی سر ءَ جھل مہ کن ات بلکیں وتی سر ءَ برز ءُ پھر ءُ شان سما بہ کن ات شمئے یک جنکے اے جنگ ءِ بھر اِنت، جھد ءِ آجوئی ءَ ھوار اِنت، دشمن ءِ دیم ءَ جنگے کتگ، من وتی گوھاراں گوشگ لوٹ آں شما بیا اِت وتی براتانی کوپگاں گوں ھمکوپگ بہ بیت ءُ جھد ءِ آجوئی ءِ جنگ ءِ بھر بہ بیت، وتی ڈیھ ءَ آجو بہ کن ات ءُ وشھالیں بانداتے بیار اِت-

تامر بند ءِ دومی بھر ءَ ماھل بلوچ گاڑی ءِ توک ءَ نندگ ءَ گندگ بیت اِنت کہ وتی ٹارگٹ ءَ روگ ءَ لھتے دمان پیش انت کہ اود ءَ وتی راج ءِ نام ءَ کلوہ دیگ ءَ اِنت-

ماھل بلوچ راج ءِ نام ءَ کلوہ ءِ بندات ءَ گوش ایت من بلوچ راج ءَ گچین وتی ماتاں، گوھاراں اے گوشگ لوٹ آں کہ من ءَ پیش مئے شیرزال ءُ بھادراں وتی جان ءُ ساہ راج ءُ گلزمین ءِ ھاتر ءَ ٹکر ٹکر کتگ شازل ءُ سمو بیتگ ءُ نمیران بیتگ اَنت- من ءَ اے ستک، جزبگ، زانشت ءُ بھادری دنیا ءِ دگہ راجانی ڈول ءَ بلوچ راج ءِ زالبول ھم وتی ڈیھ ءِ آجوئی ءِ ھاتر ءَ وشی ءَ وتی جان ءَ کربان کنگ ءَ ھچ کس ءَ کم نہ اَنت-

آ گیش گوش ایت مجید برگیڈ ءِ سنگتاں اے پیسلہ کتگ من وتی دگہ ھمراھانی ھمراھی ءَ آپریشن ھیروپ ءَ بھر بہ زیراں دانکہ مئے میان ءَ پرک ھلاس بہ بیت بلوچ شیرزال ءُ بچ یکیں سنگر ءَ دشمن ءِ گون ءَ جنگ کت کن اَنت-

ماھل بلوچ گوش ایت اے زانشتی کربانی ءَ لھتے دمان ءَ پد وتی مشن آپریشن ھیروپ ءَ روگ ءَ اَنت- دشمن ءَ ھنچیں گوھے دیاں آئی ءِ پدریچ یات کنت اِنت مئے سرزمین ءُ گچین مئے زالبول بے وارس نہ اَنت تو آیانی سر ءَ لٹ شاپی ءِ نشانگ کن ئے-

ماھل بلوچ گوش ایت اے اسلم ءِ کاروان اِنت، اے شارل ءِ کاروان اِنت، اے سمل ءِ کاروان اِنت ایشی ءِ دیم ءِ دارگ پنجاپی ءُ چینیانی وس ءَ نہ اِنت-

تامر ءِ گڈسر ءَ ماھل بلوچ وتی سنگتاں کلوہ دیان ءَ گوش ایت اَچ من پریشان مہ بیت ءُ اے جنگ ءِ بھر بہ بیت –

تامر ءِ یک بھرے ءَ ماھل بلوچ براھوئی زبان ءَ یک شَیرے وانگ ءَ گندگ بیت اِنت ءُ تامر ءِ ھلاسی ءَ ماھل بلوچ بی ایل اے مجید برگیڈ ءِ فدائی سلمان ھمل ءِ شَیر ” ھاک ءِ وشبو ءَ ھواریں پد ءَ واتر کائیں ” ھم گوش ایت-

تامر ءِ گڈسری بھر ءَ بازیں کچے ءَ بی ایل اے مجید برگیڈ ءِ زالبولانی اکس گندگ بنت اِنت-