بولان ءُ مستونگ ءِ دمگاں پاک فوج دیم ءَ روگ ءَ انت ۔ ھیلی کاپٹرانی بالی گراب برجاہ انت وھدیکہ بمب تراک ءَ فورسز ءِ پیادگیں سپاھیگ نشانگ جوڑ کنگ بوتگ انت ۔
رپورٹانی رد ءَ بولان ءِ ماچ ءِ دمگ ءُ آئی ءِ کش ءُ گور ءِ جتا جتائیں دمگاں فوجی بالی گراب بال کنگ ءَ اَنت ءُ مزنیں کساسے ءَ لشکر ءِ رھادگ بوگ ءِ ھال ھم ھست اَنت۔
دمگی وسیلگ ءِ رد ءَ کم چہ کم شش بالی گراب ٹرانزٹ ءَ گندگ بوتگ اَنت۔
دومی نیمگ ءَ مستونگ ءِ دمگ اسپلنجی ءُ گارڈوانہ ءَ ھم فوجی ھیلی کاپٹر بال کنگ ءَ اَنت ءُ بمب تراک ءَ فورسز ءِ پیادگیں سپاھیگ نشانگ جوڑ کنگ بوتگ اَنت۔
اے بابت ءَ واکداراں انگت ءَ ھچ وڑیں ھال ءُ اھوال نہ داتگ۔