ندر پہ زرپھازاں
جلال اھمد
دی بلوچستان پوسٹ
پہ وتی وتن نازاں پُلگُدیں مئے گَنگُو
جی بِہ باتِیں زِرپھازاں پُلگُدیں مئے گَنگُو
نُگرھیں شُمئے دیمونی پہ بلوچ ءِ آجوئی
سنج ءُ زیمر ءُ سازاں پُلگُدیں مئے گَنگُو
گوں گُلیں کریم جان ءَ مسلم ءُ مروان ءَ
دُرست راز پہ رازاں پُلگُدیں مئے گَنگُو
انچیں شاھڑ ءِ اِشکے اے زمین زادانی
کُل ڈیھ ءَ پہ نازاں پُلگُدیں مئے گَنگُو
رند پد ءَ چہ بریگیڈ ءِ انچو سُوھواں ورناہ
پگر ءِ اسلمی بازاں پُلگُدیں مئے گَنگُو
شارلُیں زمین رنگ ءَ جنگ دات وتی ننگ ءَ
شال ءَ زُرتگ امبازاں پُلگُدیں مئے گَنگُو
دانکہ دژمن ءِ ھست اِنت جنگ انچو برجائیں
ندر پہ کنداں کندان ءَ پُلگدیں مئے گَنگُو
ھو جلال ندریگیں مِسک ءُ مِھلبیں ھاک ءَ
جی زر ءِ پہ ھمرازاں پُلگُدیں مئے گَنگُو