نبشتانک: نَمدی یے پہ منی کسان سالیں اُمر جان ءِ نام ءَ
نبشتہ کار: اسلم بلوچ
دی بلوچستان پوسٹ
دْروت منی جگر من اُمیت کناں تو وش ئے ءُ گوں کلیں شھیداں وش گل ءُ شادان بات ئے اُمر جان تو گوں سنگتاں مارا یل کت شوت ئے بلے مدام ترا گوں ھمبلاں ما یاد کن ایں ۔انچو گُش اَنت تئی دوستیں ءُ زانتکارے سنگت شھید باں اے جُھد توک ءَ اَلم وت ءَ کمزور مکن۔ مدام کندگانی توک ءَ بہ بو دُژمن را تاوان بدے دل را تاھیر رس اِیت جنگولیں اُمر جان ترا من گپ ئے گُشگ لوٹاں مارا باز ھَمبلاں یل کتگ کئی کسہ بہ کناں گوں تو من وھدے در کَپتاں جاھے ءَ سر بوتاں من ءَ سُھب ءِ سر ءَ ھال سر بوت منی جنگولیں بالی گوں لھتیں ھمبلاں پروم دل بند ءَ شھید بوتگ۔
اے وھد گوش ئے من انچو بے تاھیر بوتاں تو وت زانے بالی جان ءِ روگ پد پہ من ءَ گوش ئے یک انچیں سیائیں شپے بوت۔بلے پد ءَ مردم نِند اِیت ءُ جیڑ اِیت وت دل تاھیر دنت کہ جنگ تُوک ءَ اے بوگی اَنت ءُ انگت بنت-
منی ھَمبلو من مدام ننداں ءُ جیڑاں کہ چیزے ھمبلانی واستا نبشتہ بکناں بلے نَد ءَ دست ءَ کناں گوشے دست ھمراداری یل کنت ، بامردیں اُمر جان جگر تو گپ ئے زانے من یک روچے ھمبلاں گوں دیوان ءَ تاں سنگتے گوشی یک نیوز ءِ آتکگ ات کہ کولواہ جت ءَ ھمبلانی سر ءَ آپریشن بوتگ ءُ سنگت شھید بوتگ اَنت ،شھید کمک جان ءُ آدگہ سنگت در اَتکگ انت۔
پد ءَ بیگاھے وھد ءَ نیوزے اتک ءُ سوشل میڈیا ءَ اَکس اتکاں من اَکس دیست آں یکے شھید کمک جان ، وپا جان ،سپر جان ، واجہ دینار جان ، شکاری جان ءُ یکے تو ئے اُمر جان اَت من اے اکس دیستاں من سک بے چاڑ بوتاں شما جُدا بوگ ءَ من بے چاڑ بوتاں بلے پد ءَ نشتاں بازیں جیڑھاں گوں ھما شھیدانی کُربانی بدولت انت ما گیش ءَ چہ گیش مھکم ءُ بوگ ءَ اَنت اے انچیں راھے ایشی ءِ توک ءَ کجام کہ جھدکار استیں آئی ءِ راہ ھمیش اِنت مارا شھید پیرک جان ءِ وڑیں یک انچیں ھستی ءِ بوتگ زمہ دارے بوتگ آئی ءِ جاہ ھالی انت ھمائی وڑیں سنگتاں یل کُتگ ءُ شھید سردو جان ءِ وڑیں جنگولیں سنگتان ءَ یل کُتگ۔
شھید پیرک جان ءِ یک کَلوہ ءِ من ءَ یات آتک شھیدی وھد ھما جنگجاہ ئے تھا گْوَش اِیت ( ما شوتیں اے جنگ نوں شمئے کوپگاں اِنت ) من پیرک جان وڑ ءَ بوت کُت نہ کناں بلے روچے نا روچے سنگتے ءَ را راھے سوج دات کناں ھرکس وتی کد ءَ ، منی اَرواہ ترا یاد بیت من مدام ترا کلاک بَست کُنّت کُرت منی شرنگ من ءَ سنگتاں گشت بُگش ئے بلے کمو چیڑ ایت تو لٹ ءِ زورت ءُ منی رند کپت ئے ، آڑے ترا شیر چاھے سک شوک ھست اَت من مدام تی گورا آتکاں داں شپانی نیم ءَ من ءُ تو دیوان کُرت چاھے پِر کت من تو وارت سک وش اَت وھد تاں یار جگر بلے تو جلدی شوت ئے کمو ھم ودار نہ کُت ھما کور ءُ کوچک گَر ءُ گَٹ دار ءُ درچک تی بوہ کناں ، دیدوکیں اُمر جان کولواہ بے تئی ءَ ھچ وش نہ اَنت جان بلے مرچاں من ننداں چاراں بس یاتانی توک ءَ توئے جگروک ، ھمبلو من ءَ سک باز راز گون انت ئے پہ ترا من یک برے گوں تو دو چار کپتاں من کلیں رازاں ترا دیاں ھھھھھھھھ مھروانیں ھمبلوک ترا گپے گوشیں جگر پاھوئے کَور مدام تی جست ءَ کنت کے اُمرو درا نہ بیت بلے من مدام تسلی داتگ کہ اُمرو سپر ءَ انت۔
بیا دیر مکن بْیا جتے دکان ءَ ڈیو ورگ ھم وش نہ بیت بے ترا بیا شھید ناکو ساربان ءِ اُشتر داشتگ انت کورے توک ءَ ما شیر چاھے پر کتگ بس تی ودار اِنت منی ارواہ اُمر جان منی نمدی یے ترا اگاں سر بوت کلیں شھیداں سلام کن او وپا جان ءَ بُگش تو کولواہ یل نہ کُتگ تئی پکر تئی سوچ انگت کولواہ ءِ تھ ءَ اِنت اے دژمن انگت ءَ چہ ترا تُرس اِیت ارواہ آسودگ بات ۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔