امریکہ ءِ نامداریں ازمکار میتھیو پیری بیران بوتگ

درملکی ھالتاکانی رِد ءَ نود ءِ دھک ءَ نامدار بوتگیں ءُ چہ امریکی سٹ کام “فریندز” ءَ میان استمانی تک ءَ نامداریں بوتگیں ازمکار میتھیو پیری پنجاہ ءُ چار سال امر ءَ بیران بوتگ – آئی ءِ جون شمبے ءِ شپ ءَ ماں امریکہ ءِ شھر لاس انجلس ءَ وتی گس ءِ تہ ءَ دست کپتگ –

ھمے گوشگ بوگ ءَ انت کہ نامداریں ٹی وی سیریز ءِ تہ ءَ چینڈلر بنگ ءِ کردار پیلو کنوکیں ازمکار چہ ھمام ءِ تہ ءَ باتھ ٹب ءِ تہ ءَ بُک اِتگ ءُ بیران بوتگ – بلے پدا ھم تنی وھدی آئی ءِ بیرانی ءِ راستیں ھال شنگ نہ بوتگ –

پولیس ءِ رپورٹ ءِ رِد ءَ ناکہ آئی ءِ جان ءَ ٹپ ءِ نشان پر بوتگ ءُ ناکہ آ نشہ بوتگ چریشی ءَ ھمے گمان کنگ بیت کہ وتی مرگ ءَ بیران بوتگ –

میتھیو پیری ءِ مرگ ءِ ھال ءِ ھبر دھ سالاں’فرینڈز’ شنگ کنوکیں ادارہ ’این بی سی انٹرٹینمنٹ‘ ماں چاگردی ترامجاہ ءَ پرسدانک ءِ تہ ءَ شنگ کتگ –

چاگردی ترامجاہ ایکس ءَ آئی ءَ وتی پوسٹ ءِ تہ ءَ نبشتگ کہ میتھیو پیری کہ آئی گوں وتی ازم ءَ کامیڈی (وشکندی)ٹائمنگ ءَ ھزاراں مردم کندیں اِتگ انت آئی ءَ اے جھان یل داتگ –

میتھیو پیری “فرینڈز” ءِ تہ ءَ پرچا یکتا انت؟

امریکہ ءِ سٹ کام “فرینڈز” جھان ءِ نامدارتریں بچکندی شو ءَ چہ یکے زانگ بیت ءُ میتھیو پیری ءِ کرد اے شو ءِ جوانتریں کرد زانگ بیت – آئی ءَ دھ سالاں تاں اے شو ءِ تہ ءَ چینڈلر بنگ نامی یک ھنچیں ورنایے کرد پیلو کتگ کہ آئی ءَ ھرکس چیڑیں اِتگ –

فرینڈز ءِ تہ ءَ میتھیو پیری ءَ ھوار ھوار جنیفر اینسٹن، میٹ لی بلانک، کورٹنی کوکس، لیزا کڈرو، اور ڈیوڈ شوئمر ھم جھان ءَ پجاہ آرگ بنت بلے پدا ھم چہ وتی سنگتانی تہ ءَ آ شریں کارے ءَ ھم بوتگ بلے چینڈلر بنگ یکتا زانگ بیت –

گوستگیں سال ءَ شنگ بوتگیں کتاب “فرینڈز، لوورز اینڈ دی بگ ٹیربل تھنگ” تہ ءَ آئی ءَ نبشتگ کہ چینڈلر بنگ آئی ءِ نزیکتریں مردمانی تہ ءَ چہ یکے بوتگ کہ ھمائی ءِ سوب ءَ مناں وتی کرد ءِ یکتا کنگ ءَ کمک رس اِتگ –

آئی ءَ دیمتر ءَ نبشتگ کہ منی مات ءُ پت ءِ سون برات بوگ ءَ پد منی جھد بوتگ کہ وتی مات ءَ بہ کندائیناں – چریشی ءَ چہ آئی ءِ حس زوت ڈیولپ بنت – آئی ءَ اے یک ھنچیں ‘ڈیفنس میکانزم’ گوشتگ کہ ھمیشی ءَ پدا آ سوبمندیں ازمکار ءِ جوڈ کتگ –