بھارت ءَ انگلینڈ ءِ دیم ءَ سد رناں گوں گوازی کٹ اِتگ

آئی سی سی کرکٹ ورلڈ کپ ءِ بیست ءُ نھمی گوازی انگلینڈ ءُ بھارت ءِ میان ءَ ماں لکھنو ءَ گوازی پٹ کنگ بوتگ کہ بھارت ءَ نُھ وکٹانی تاوان ءَ گوازی کٹ اِتگ –

بھارت ءُ انگلینڈ ءِ میان ءَ بوتگیں گوازی ءَ انگلینڈ ءَ ٹاس کٹ اِتگ ءُ اولسر ءَ بالنگ کنگ ءِ شئور کتگ کہ بھارت ءَ اولسر ءَ بیٹنگ کنان ءَ انگلینڈ ءِ دیم ءَ پنجاہ اوورانی تہ ءَ نُھ وکٹانی تاوان ءَ دوسد ءُ بیست ءُ نھ رن جوڑ کتگ انت کہ انگلینڈ ءِ لیبی ٹارگٹ ءِ پروشگ ءَ بے سوب بوتگ انت ءُ سِی ءُ چارمی اوور ءِ ہنچمی بال ءَ دراہ آؤٹ بوتگ انت –

بھارت ءِ نیمگ ءَ کپٹن روہت شرما ءَ درساں گیش ھشتاد ءُ ھپت رن جوڈ کتگ انت وھدیکہ مڈل آرڈربیٹر سوریا کمار یادیو چِل ءُ نھ ءُ کے ایل راہول سِی ءُ نھ رن جوڈ کتگ انت – ویرات کوہلی ءَ رن جند جوڈ نہ کتگ –

بھارت ءِ بالر محمد شامی ءَ جوانی ءَ گوازی کنان ءَ بیست ءُ دو رن داتگ ءُ چار وکٹ گپتگ انت – جسرپریت بمراہ سِی ءُ دو رن داتگ ءُ سَے وھدیکہ کلدیپ یادیو ءَ ھم بیست ءُ چار رن داتگ دو آؤٹ کتگ انت –