جھاؤ ءَ پاکستانی پوج ءِ سر ءَ اُرش، سلاہ دستیگ کنگ بوتگ انت

سربوتگیں ھالانی رِد ءَ آواران ءِ دمگ جھاؤ ءَ مروچی یکشمبے ءِ روچ ءَ ناشناسیں سلاہ بندیں مردماں پاکستانی پوج ءِ پیادگ ءَ تر ءُ گرد کنوکیں ٹولی ءِ سر ءَ اُرش کتگ ءُ آیانی سلاہ دستیگ کتگ انت –

اھوالکار ءِ رِد ءَ اے اُرش جھاؤ ءِ دمگ بدرنگ ءَ کنگ بوتگ کہ سلاہ بندیں مردمانی اُرش ء پوج ءَ جانی تاوانانی ھم دیمپانی کنگ کپتگ –

سلاہ بندانی اُرش ءَ پد مزنیں کچے ءَ پوج جنگ جاہ ءَ سربوتگ ءُ دمگ وتی انگر ءَ کتگ ءُ لس مھلوک لٹ کٹ کتگ انت –

زانگ بہ بیت اے ھند ءُ دمگاں چدوپیسر پاکستانی پوج ءِ سر ءَ بوتگیں اُرشانی زمہ واری گیشتر بلوچ آجوئی لوٹوکیں سلاہ بندیں گلاں منّ اِتگ ءُ بلے اُرش ءِ زمہ واری تنی وھدی ھچ گل ءَ نہ منّ اِتگ –