برتانیہ ءِ اسپیشل ایئراسکواڈ حماس ءِ دست ءَ الگارینانی رکینگ ءِ واستا اسرائیل ءِ گون ءَ ھوار بوگ ءُ بیڑ برگ ءَ جاڑیگ اِنت-
عرب نیوز ءَ برتانیہ ءِ روتاک آئی ءِ درور دیان ءَ گوشتگ کہ غزہ ءِ ھند ءَ دو سد ءِ کچ ءَ مردم حماس ءَ الگار کتگ اَنت ءُ ایشانی توک ءَ برتانیہ ءِ دَہ شھری ھوار اَنت ءُ ایشانی یل کنائینگ ءِ ھاتر ءَ گمانی رنگ ءِ درگت ءَ اسپیشل اسکواڈ اسیرائیل ءِ لشکر ءَ ھوار امریکہ ءِ ڈیلٹا فورس ءِ گون ءَ ھم رھوت ءَ اِنت-
رپورٹ ءِ رد ءَ الگار کتگیں مردمانی توک ءَ جتا جتائیں ڈیھانی مردم ھوار اَنت ءُ اے گوشگ بوگ ءَ اِنت اے مردم ھماس ءَ مُھرین جاھاں سرنگ ءُ دگہ جاھاِ ایر کتگ اَنت-
یک لشکری بنشونے ءَ روتاک ءَ گوشتگ کہ اسرائیل ءِ بیوکیں جاورلانی سبب ءَ اسپیشل اسکواڈ ءِ چن ءُ لانچانی توک ءَ گیشی اتکگ –
اسپیشل ایئراسکواڈ ءَ ھیلکاری ءِ یک تکے گوازینتگ ءُ ایشی ءِ سبب ءَ اء گچینی شوربندیانی بھر اِنت-
برتانیہ ءِ سروزیر ءِ سیکریٹری ھارجہ جیمز کلیورلی ءِ نیمگ ءَ اے وئیل ءِ راستی بیتگ کہ گزہ ءَ الگار کتگیں مردمانی توک ءَ دَہ مردم برتانیہ ءِ شھری اَنت-
رپورٹ ءِ رد ءَ دوھزار ءُ یازدہ ءَ داں انگت ءَ اسپیشل فورس ءَ سَے ریسکیو مشنزاں کار کتگ بیتگ- اے کاروئی کینیا، نائجیریا ءُ یمن ءَ کنگ بیتگ اَنت ءُطھمے وھداں شش چیریں دیوان بیتگ انت کہ ایشانی توک ءَ یکے یوکرین ءِ سر ءَ روس ءِ اُرش ءَ پیش بیتگ-