کرکٹ ورلڈ کپ: نیوزلینڈ ءَ شش وکٹانی تاوان ءَ اوگانستان پروش داتگ

آئی سی سی کرکٹ ورلڈ کپ ءِ شانزدھمی گوازی اوگانستان ءُ نیوزلینڈ ءِ میان ءَ ماں بھارت چنئی ءَ کنگ بوتگ کہ نیوز لینڈ ءَ اوگانستان پروش داتگ ءُ یکشل ءَ چارمی گوازی کٹ اِتگ –

نیوز لینڈ ءُ اوگانستان ءِ میان ءَ بوتگیں گوازی ءَ اوگانستان ءَ ٹاس کٹ اِتگ ءُ اولسر ءَ بالنگ کنگ ءِ پیسلہ کتگ ، کہ نیوز لینڈ ءَ پنجاہ اوورانی تہ ءَ شش وکٹانی تاوان ءَ دوسد ءُ ھشتاد ءُ نُھ رنانی مزنیں ٹارگٹ ءِ اوگانستان ءِ دیم ءَ ایرکتگ کہ اوگانستان ءَ ٹارگٹ ہروشت نہ کتگ ءُ آئی ءَ سِی ءُ چار اووراں بس یکسد ءُ سِی ءُ نُھ رن جوڈ کتگ انت –

اوگانستان ءِ نیمگ ءَ درساں گیش رحمت شاہ ءَ سِی ءُ شش ءُ عظمت اللہ عمرزائی بیست ءُ ھپت رن جوڈ کتگ انت وھدیکہ نیوزلینڈ ءِ نیمگ ءَ درساں گیش ٹام لیتھم شست ءُ ھشت ءُ فلپس ھپتاد ءُ یک رن جوڈ کتگ انت –

 اوگانستان ءِ نیمگ ءَ عظمت عمرزئی ءُ نوین الحق ءَ دو دو وکٹ گپتگ وھدیکہ مجیب الرحمان ءُ راشد خان ءَ یک یک وکٹ ءِ گپتگ –