بلوچستان ءِ دمگ مستونگ ءَ تراک ءِ آسر ءَ پی ڈی ایم ءِ جارکش ءُ راھشون جے ایو آئی حافظ حمداللہ ءَ ھوار پنچ مردم ٹپی بیتگ اَنت-
پولیس رِد ءَ دگ کش ءَ جمعیت راھشون ءِ گاڑی نزیک ءَ تراک بیتگ- پولیس ءُ کُمکی ٹولی ھما وھد ءَ سر بیتگ اَنت-
جے یو آئی ف ءِ جارکش اسلم غوری ءَ گوشتگ کہ حافظ حمداللہ تراک ءِ آسر ءَ کمو ٹپی اِنت، وھدے کہ حافظ حمداللہ ءِ دو ھمراہ ھم تراک ءَ چہ ٹپی بیتگ اَنت-
ڈپٹی کمشنر مستونگ عبدالرزاق ساسولی ءِ رِد ءَ وئیل پٹ پول انتزامیہ کنگ ءَ اِنت تراک وتکشے یا کہ اناں تنی وھدے زانگ بوگ ءَ نہ اِنت، تراک ءَ حمداللہ ءَ ھوار پنچ مردم ٹپی بیتگ اَنت-
آئی ءَ گْوشتگ کہ حافظ حمداللہ ءِ جاور چہ ھترہ ءَ ڈن اِنت- حافظ حمداللہ مستونگ نادُراھجاہ ءَ دوا درمان کنگ ءَ پد آئی دو ھمراہ ھم شال ءَ برگ بیتگ اَنت-