پنجگور ءَ پاکستانی پوج ءِ سر ءَ بوتگیں اُرش ءِ زمہ واری بی ایل ایف ءَ منّ اِتگ

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ گل ءِ آفیشل ٹیلی گرام چینل “آشوب ” ءَ وتی شنگ کرتگیں درشانے ءِ تہ ءَ پنجگور پاکستانی پوج ءِ پانگس ءِ سر ءَ بوتگیں اُرش ءِ زمہ واری منّ اِتگ ءُ گوشتگ کہ اے اُرش ءَ یک پوجی کارمندے مُرتگ –

بی ایل ایف ءِ جارکش ءِ رِد ءَ مئے سرمچاراں بیست ءُ ھپت جولائی ءِ بیگاہ ءَ پنجگور ءِ دمگ کیکور سری گڈگی ءَ واٹر سپلائی ءِ سر ءَ برجاھیں پاکستانی پوج ءِ پانگسے ءِ سر ءَ دورجنگیں توپک ءَ گوں اُرش کُتگ – اُرش ءَ یک پوجی کارمندے مُرتگ –

جارکش ءَ گوشتگ کہ اے اُرش ءِ زمہ واری ءَ بی ایل ایف منیت ءُ دژمن پوج ءِ سر ءَ اُرش بلوچستان ءِ آجوئی ءَ تاں برجاہ مان انت –