بلوچستان: بیتگیں وئیلاں زھگے بیران، شش مردم زدگ بیتگ اَنت

بلوچستان ءِ جتا جتائیں ھند ءُ دمگاں پیش اتکگیں وئیلاں کم چہ کم یک زھگے بیران بیتگ ءُ شش مردم زدگ بیتگ اَنت-

گیشیں اھوالانی رد ءَ بلوچستان ءِ دمگ کیچ ءِ بنجاھی شھر تربت ءَ ایم 8 دگ ءَ تیل کشیں گاڑی امباد ءُ ٹرک ٹکر ورگ ءِ سبب ءَ دو مردم زدگ بیتگ اَنت-

پولیس ءِ رد ءَ وئیل کیساک ءِ نزیک ءَ ایم ایٹ دگ ءَ پیش اتکگ کہ اود ءَ زمباد گاڑی چپی بیتگ – وئیل ءَ دو مردماں کمے کساس ءَ ٹپ اتکگ اَنت-

دومی نیمگ ءَ بلوچستان ءِ دمگ چمن ناگتی آس چست بیتگ چریشی ءَ یک زھگے بیران بیتگ ءُ سَے مردم زدگ بیتگ اَنت-

وئیل ءَ بیران ءُ زدگ بیتگیں مردم ھسپتال ءَ برگ بیتگ انت ءُ اود ءَ آیانی ٹپ ءُ ٹوریں مردمانی جاندراھی بیگ ءَ اَنت-

ھمے وڑ ءَ بلوچستان ءِ دمگ ھزدار ءِ ھند وڈھ ءَ ناگیگی ءِ جاور برجاہ، تیرگواری ءِ سبب ءَ یک مردمے زدگ بیتگ –