ایپل ءَ اسکرین ڈسٹینس نامیں ٹولے ءِ دیم ءَ آرگ ءِ جار جتگ

ٹک ٹاک بہ بیت یا انسٹاگرام، یا دگہ گوازی جاہ بہ بنت گوں وتی موباھل ءَ دلگوش بوگ ءَ دگہ پرکاریاں ھم شموشکار بہ ایں-

موبائل ءِ توک ءَ اے ھساب ءَ پترگ ءَ مئے چمانی ھاتر ءَ بازیں تاوانانی دیمپانی ءِ گمان ھست اِنت – گوست ءَ بیوکیں پٹ ءُ پولانی رد ءَ اسکرین ءِ دیم ءَ گیش ءَ چہ گیش مائیوپیا بزانکہ چمانی دوری ءِ نگاہ ءِ کم بوگ ءِ ترس ءِ گمان ھست اِنت-

اے جیڑہ ءِ دیمپانی کنگ ءَ ایپل ءَ وتی آئی فون ءِ آیوکیں آئی او ایس ھبدہ ءِ اپڈیٹ نوکیں ٹولے ءِ دیم ءَ آرگ ءِ جار جتگ بیتگ-

اسکرین ڈسٹینس نامی ئیں ٹول اے چیز ءِ کمک ءَ کنت اِنت کارمرد کنوک آئی پون ءِ چھرگ ءَ چی کساس دوری ءَ اَنت – ھمے وڑ ءَ دوری ءِ کم کنگ ءَ سرپد کنگ اِنت-

ایپل ءَ ھمے ماہ ءِ بنداتی ءَ کمپنی ءِ نیمگ ءَ برجم دارگ بیتگیں ورلڈ وائڈ ڈیویلپر ءِ کانفرنس ءَ سال دوھزار ءُ بیست ءُ سَے ءَ اے فیچر ءِ بارو ءَ جتگ بیتگ –

ایپل ءِ رد ءَ آئی پون ءُ چھرگ ءِ میان ءَ دوری ءِ واستا زھگانی مائیوپیا ءِ وڑیں نا جاوریانی کم کنگ ءِ کمک ءَ کنت اِنت ءُ مزن اُمرانی چمانی سانمندی ءِ کم کنگ ءَ ھم کمک کنت اِنت-

اے نوکیں ٹول ٹروڈیپتھ اِنت کیمرا ءِ کارمرد کنگ ءَ کار کنت اِنت ات کیمراہ کارمرد کنوکانی چھرگ ءَ ھزارانی نہ گندوکیں ٹک چِنت اِنت ءُ ایشی ءِ پٹ ءُ پوک کنان ءَ چھرگ ءِ دوری ءِ نکشہ ءَ گیشین ایت ءُ ایشی ءَ ڈیپتھ میپ گوش اَنت-

اے فیچر تنی وھدی کارمرد کنوکاں سر نہ بیتگ بلے ستمبر ءُ آئی او ایس ھبدہ ءِ دیمدراھی ءِ ھواری ءَ اے فیچر ءِ دیمدراھی کنت اِنت –