بلوچستان لبریشن فرنٹ ءِ جارکش میجر گْوھرام بلوچ ءَ وتی درشان ءِ تہ ءَ گْوشتگ کہ سرمچاراں کیچ ءِ بُنجاھی شھر تربت ءَ تیرگواری کتگ ءُ ریاستی چاریگ کُشتگ-
آئی ءَ گْوشتگ کہ ھپت جون شپ ءِ ساھت نُھ ءَ سنگانی ھسپتال میتگ ءَ سرمچاراں تیرگواری کتگ ءَ ریاستی چاریگ سلطان کُشتگ- تیرگواری ءِ نشانگ ءَ اَتکگیں یک راھگوز محمد حنیف ٹپی بیتگ، چریشی ءَ ما بے کساس بژنی ئیں- ما لَس مھلوک ءَ چہ دزبندی کن ایں آ ریاستی کارندہ ءُ شکی ئیں مردماں چہ گستا بہ بہ اِت-
اے ریاستی چاریگ ءَ نان پچی دروشم ءَ یک اوتاکے جوڑ کتگ چاریگی ءِ کار بندات کتگ- بی ایل ایف ءِ چیریں ونگ ءَ اشی ءِ سر ءَ نگاہ سکّ کتگ سرجمیں منانکانی یکجاہ کنگ ءَ پد نشانگ کتگ- اشی ءِ ھمراھانی ءِ نام ھم سرمچاراں دزکپتگ اَنت-
جارکش ءَ گْوشتگ کہ بی ایل ایف اے اُرش زمہ واری ءَ منّ اِیت- بلوچستان ءِ وتواجھی ءَ تاں پاکستانی پوج ، شوربندیاں ءُ چاریگانی سر ءَ اُرش برجاہ بنت-