ھب ءُ ڈیرہ مراد جمالی ءَ بمب تراک

بلوچستان ءِ باپاری شھر ھب ءُ ڈیرہ مراد جمالی ءَ دو جتا جتائیں بمب تراک بیتگ اَنت- ڈیرہ مراد جمالی ءَ پولیس ءِ سر ءَ بمب تراکے کنگ بیتگ-

انتزامیہ ءِ گوشگ اِنت کہ ناشناسیں مردماں ڈیرہ مراد جمالی ءِ بنجاھی شھدگ ءَ دوست ھوٹل ءِ ھند ءَ ایس پی صدر پولیس ءِ اسکواڈ ءِ موبائل ءِ سر ءَ دزبمبے چگل داتگ ءُ پشت اش مانداتگ ءُ شتگ اَنت-

بنداتی اھوالانی رد ءَ ھچ جانی تاوانانی ھال نیست اِنت – بلے کانونداریں ادارہ ءَ وئیل جاہ ءَ سر بیتگ اَنت ءُ پٹ ءُ پول اش بندات کتگ-

ھمے وڑ بلوچستان ءِ باپاری شھر ھب ءَ ساکران پولیس تھانہ ءِ سر ءَ ناشناساں دزبمبے چگل داتگ –

دمگی مردمانی بمب ءِ آسر ءَ دو پولیس کارندہ زدگ بیتگ اَنت بلے واکدارانی نیمگ ءَ داں انگت ءَ تاوانانی ھال دیم ءَ نیتکگ اَنت-