آئی پی ایل 2023: RCB ءُ SRH پلے آف ءَ سر بوگ ءَ بے سوب، پلے آف ءِ چارمی ٹیم ممبئی انڈین

انڈیں پریمئیر لیگ ءِ شانزدھمی سینزن ءِ شست ءُ نھمی گوازی سن رائزرس حیدرآباد ءُ ممبئی انڈین ءِ میان ءَ بوتگ کہ ممبئی ءَ ھشت وکٹاں گوازی کٹ اِتگ وھدیکہ ھپتادھمی گوازی رائل چیلنجر بنگلور ءُ گجرات ٹائٹنز ءِ میان ءَ بوتگ گجرات ءَ شش وکٹاں گوازی کٹ اِتگ –

انڈین پریمئیر لیگ ءِ شانزدھمی سیزن ءِ گڈی لیگ گوازی ءَ گجرات ٹائٹنز ءَ آر سی بی شش وکٹاں پروش داتگ اے پروش ورگ ءَ پد آر سی بی پلے آف ءَ سر بوگ ءَ بے سوب بوتگ – گوازی ءَ آر سی بی ءَ اولسر ءَ بیٹنگ کنان ءَ یکسد ءُ نود ءُ ھپت رن جوڈ کتگ پسوی ءَ گجرات ءَ شبھمن گل ءِ سنچری ءِ بدولت ءَ یکسد ءُ نود ءُ ھشت رن جوڈ کتگ ءُ ھمے وڈ ممبئی انڈین پلے آف ءَ سر بوؤکیں چارمی ٹیم جوڈ بوتگ –

رائل چیلنجرز بنگلور ءِ اے پروش ورگ ءِ ھمراھی ءَ پلے آف ءَ سر بوؤکیں آئی پی ایل ءِ چار ٹیمانی پیسلہ ھم بوتگ کہ گجرات ٹائٹنز، چنئی سپر کنگز، لکھنو سپر جائنٹس ءُ ممبئی انڈیں پلے آف ءَ گوازی کن انت –

یکسد ءُ نود ھشت رنانی ٹارگٹ ءِ پروشگ ءَ پہ گجرات ءِ بندات جوان نہ بوتگ پرچا کہ اوپنر ءَ اتکگیں ردھیمان ساھا ءَ دوازدہ رن جوڈ کتگ ءُ اؤٹ بوتگ کہ چدو پد وجے شنکر اتکگ ءُ آئی شبھمن گل ءِ ھمراھ داری کتگ ءُ ھردوکاں گجرات ءِ اسکور یکسد ءُ چِل ءُ ھشت ءَ سر کتگ کہ پدا رند ءَ وجے شنکر سِی ءُ پنچ بالاں پنجاہ ءُ سَے رن جوڈ کتگ ءُ آؤٹ بوتگ – داسن ءَ وا رن جند جوڈ نہ کتگ – تیزتریں بالر محمد سراج، وجے کمار، ہرشل پٹیل ءَ یک یک وکٹ ءِ گپتگ ءُ گل ءَ پنجاہ ءُ دو بالاں یکسد ءُ چار رن جوڈ کتگ ءُ ناٹ آؤٹ بوتگ –

سن رائزرس حیدر آباد ءُ ممبئی انڈین ءِ میان ءَ بوتگیں گوازی ءَ حیدر آباد ءَ بیست اوورانی تہ ءَ پنچ وکٹانی تاوان ءَ دوسد رن جوڈ کتگ کہ ممبئی انڈین ءَ ھژدہ اوورانی تہ ءَ دو وکٹانی تاوان ءَ ٹارگٹ پروشتگ ءُ دوسد ءُ یک رن جوڈ کتگ –

ممبئی انڈین ءِ نیمگ ءَ کیمرون ءَ چِل ءُ ھپت بالاں سنچری کتگ ، روہت ءَ سِی ءُ ھپت بالاں پنجاہ ءُ شش ءُ سوریا کمار ءَ شانزدہ بالاں بیست ءُ پنچ رن جود کتگ ءُ گوازی وتی ٹیم ءِ نام ءَ کتگ –