منی گلزمین ءِ بانور شاری بلوچ
نبشتہ کار: خلیف بلوچ
دی بلوچستان پوسٹ
شھید شاری ءَ یک اَنچیں کارے کُت پورایں دُنیا ءَ را سَرپدے کُت ءُ گُشت ئِے کہ ما بلوچ زالبول ھم ھَرچی کُت کَن اِیں پَہ وتی ماتیں گُلزمین ءِ واست ءَ اَنچو مارا بلوچ ءَ را اے بھیسَہ نَہ بُوّتگ کہ بلوچ زالبول ھم پِدائی کَن اَنت ما وتی زالبولاناں سک ءَ نِزور سَرپد بُوّتگ اِیں بَلّے مروچیگیں روچ ءَ شاری بلوچ ءَ یک اَنچیں پیسلھے کُرت ءُ بلوچ ءِ جنگ ءَ را یک زیبائیں رَنگے دات، او شاری ءِ کار ءَ چَہ پَد دُژمن اَنچو زھنی مَریز جُوڑ بُوّت کہ ھَرچ بلوچ زالبول آئی ءِ ھیال ءَ پِدائی کَنت ، اے گَپّ ھم راستے کہ شاری ءِ کار ءَ چَہ پَد کَواساں بِگر دانکہ بے وانِندگ کُل سَرپد بُوّت اَنت ءُ گُشت اِش ما ھَرکَسّ شاری جُوڑ بُوّت کَنیں ۔
سَربلند وَھدے پِدائی کَنت ریھان جان ءُ دگہ سنگتانی کُربانیاں چَہ رَند بازیں ھَمبل ءُ گُوھار ھم ھمئے پیسلہ ءَ کَن اَنت آیانی توک ءَ یکے شاری اِنت پَد ءَ ھمئے پیسلہ ءَ زُور اِیت کہ من وتی گُلزمین ءِ واست ءَ پِدائی کَن آں وَھدے شاری وتی سَپر ءَ دَر کئیت گُڑا ھمئے گَپّ ءَ کَنت کہ ماھو ، میرو شُمئے مَیار اَنت بَلّے اے مئے واست ءَ سَکیں مَزنیں گَپّے کہ شاری ماھو ءُ میرو ءَ چَہ وت ءَ جِتا کَنت گُڑا آ مھر بس گُلزمین ءِ اِنت کہ مَروچی مئے ءُ شُمئے دیم ءَ زاھر اِنت شاری ءِ پِدائی کَنگ ءَ پَد بلوچ کُوم ءَ یک بلائیں سوبمندی یے ، ما اوتاک ءَ نِشتگ اِتیں گُڑا سنگتے لین ءَ چَہ اَتک گُشت ئِے مَروچی کراچی ءَ چینیانی سَر ءَ زالبولے ءَ پِدائی کُتگ ما دُرسیں سنگت یک برے ھِیران بُوّتیں کہ بلوچ زالبول پِدائین نَہ کَن اَنت بَلّے سنگتاں پَد ءَ گُشت کہ زالبول شاری اِنت ءُ کیچ ءَ نِشتگ ما سک جیڑگ ءَ لَگیت اِیں پرچا کہ بلوچ زالبولے پِدائی کَنگ ءِ تاریک نیست ءُ اے نوکیں گَپّے بُوّت مئے واست ءَ پِدائی کَنگ ءِ مَتلب ھمیش اِنت کہ مئے توار گیش ءَ چے گیش دیم ءَ بُروت ءُ دُنیا بِہ زانت کہ پاکستان ءَ بلوچستان زُور پَہ گِپتگ ءُ پاکستان ھم زانت کہ من بلوچ ءِ مڈیاں سُود ءَ بِہ جَناں گُڑا ورنا نَہ بلکیں چو شاری ءَ ھم دگہ بازیں شاری یے جُوڑ بیت شاری ءِ پِدائی ءَ پاکستان ءِ توک ءَ سَک ءَ بلائیں تُرسے آؤرت او پاکستان زانت مَروچی ھم شاری ءِ کاروان جُنز ءَ اِنت پَمشکا روچے زالبولے چست کَنت-
دو زالبول ساری ءَ بَرگ بُوّتگ ات اَنت شاری ءِ کار ءَ چَہ پَد گیش ءَ چَہ گیش زالبول چست کَنگ بُوّھگ ءَ اَنت پاکستان ھمئے لوٹ اِیت کہ من مَروچی زالبولاں چست کَنیں اے کاروان اوشت ات اے گَپّ ءَ من گوں وتی ایمان ءَ گُش اِیں پاکستان ھچ بَھر اے کاروان ءَ داشت نَہ کَنت مَروچی ھَرچی وَڑیں مات ءُ گُوھار پَہ پِدائی ءَ تیار اَنت شاری پِدائی کُت گُڑا چین ھم اے گَپّ ءَ سَرپد بُوّت کہ اگاں من پاکستان ءِ توک ءَ کار بِہ کناں گُڑا من ءَ بلوچ کُوم ھچ وَڑ ءَ نَہ بکش ایت مَروچی شاری بُوّتگ باندا دگہ ھم کَسّے پِدائی کَنت ءُ شاری ءِ کار ءَ چَہ پَد چائینہ وتئی کاراں کَمُک اِیں وَھد ءَ بَند کَن پاکستان وڑ وڑیں گپ کَنت کہ شاری رَدّ دِیگ بُوّتگ بَلّے من یک گَپّے تَچک کَنگ لوٹ آں کہ شاری یک زانتکارے ءُ کَواسے بُوّتگ ءُ شاری ھِنچوک گریب ھم نَہ بُوّتگ کہ پاکستان مَروچی گُش ایت کہ (بی ایل اے) ءَ رَدّ داتگ ، زَرّ داتگ ، مردم ھما وَھد ءَ رَدّ کَپ ایت کہ وتی زندگ بُوّھگ ءِ واھشت ءَ دار اِیت ءُ ھما واھشت ءَ پورا کَنت بَلّے اے اَنچیں کارے کہ تو پیسلہ زُورت تو زان ئے کہ من پَد ءَ زندگ نَہ باں مردُم کہ زندگ نَہ بیت گُڑا واھشت ءَ چون کَنت اے پیسلہ کہ شاری ءَ کُتگ گُڑا آئی ءِ دل ءِ واھگ ، مھر ءُ دوستی گوں وتی گُلزمین ءَ بُوّتگ ، آئی ءَ زانتگ کہ من مَروچی اے کار ءَ کَنیں باندا اے کاروان ءَ دگہ کَسّے دیم ءَ بارت ۔
شاری وتی گُڈّی تامر بَند ءِ توک ءَ گُش ایت کہ من ءَ ھچ چیز ءِ کَمّی نَہ بُوّتگ بَلّے من ھمئے سَما کُتگ کہ ما گُلام اِیں ءُ گلامی اِنت سَانکلانی سِندَگ ءِ واست ءَ مارا شُمارا کُربانی دِیگی اِنت کَسّے چونیں کُربانی دات کَنت بِہ دَنت بس کُربانی لوٹ اِیت اگاں مَروچی ما ءُ شُما کُربانی نَہ دات ءُ بس نِشت اِیں گُڑا وَھد پَدا مئے دست ءَ نئیت ما گُلام اِیں اے وَھد ءِ تَہ ءَ شاری ءِ ھما جزبک دیست ، مارا اے ھم اھساس رَس اِیت ءُ باتن ءِ مرد ھر بلوچ ءَ جُست کَنت شاری وتی مرگ ءِ پیسلہ کُرتگ شاری ءَ چے رَس اِیت ، آ کجام لَبّ ءُ متاہ اِنت کہ باشھور ءُ وانِندگیں شاری ءِ وَڑیں سَراں کُربان کَنت اگاں تو لوٹ ئے کہ من وتی بلوچ کُوم ءَ چہ پاکستان ءَ یاکہ گُلامی ءِ سَانکلاں بِہ سِنداں گُڑا کُربانی دِیگی اِنت مَروچی شاری ءَ چار اِت کہ من کُربانی دِیاں باندا اَلّم دگہ کَسّے ھم پاد کئیت ءُ پِدائی کَنت مَروچی شاری ءِ پِدائی کَنگ ءَ مئے ءُ شُمئے زالبولانی واست ءَ راھے پچ بُوّت ۔
بانُک ءَ اے گَپّ تَچک کُت کہ زالبول ھَر گام ءَ وتی براسانی ھمکوپَگ اَنت بُوّتگ اَنت ءُ ھمکوپَگ بَنت اے وتی براسانی ھمگرنچی ءَ پِدائی ھم کَن اَنت ۔
شاری بلوچ ءَ زانت من پَد ءَ واتر نَہ باں آئی ءَ اے کار کُت کہ من وتی زندگی پَہ وتی بَزّگیں راج ءَ کُربان کُت بِہ گِندے باندا روچ منی بلوچ کُوم یک آسُودگیں زندے بِہ گوازینت منی شھیدی ءَ رَند ۔
ما ءُ شما ھُش کُتگ کہ چُکاں وتی مات یل داتگ اَنت بَلّے اے یک نوکیں چیزے کہ یک ماتے وتی چُکاں یلَہ کَنت ءُ پَہ وتی گُلزمین ءَ بانور بیت ، مَروچی من اے گَپّ ءَ پَہ پَھرے گُش آں کہ شاری ءِ کُربانی سَتا کَرز اِیت منی وڑیں یک نابودے ءُ نَہ زانتکارے ھَرچی گَپّ بِہ کَنت کَمّ اِنت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔