آئی پی ایل ءِ شینزدھمی سیزن ءِ بیست ءُ ششمی گوازی لکھنو سپر جائنٹس ءُ راجستھان رائلز ءِ میان ءَ کنگ بوتگ کہ لکھنو ءَ راجستھان ءِ دیم ءَ دھ رناں گوازی کٹ اِتگ – یکسد ءُ پنجاہ ءُ پنچ رنانی ٹارگٹ راجستھان ءَ پروشت نہ کُتگ ءُ آئی ءَ شش وکٹاں بس یکسد ءُ چِل ءُ چار رن جوڈ کت کُتگ – راجستھان ءِ نیمگ ءَ اوپنر ءَ اتکگیں یاشاسوی ءَ چل ءُ چار ءَ جوز بٹلر ءَ چِل رن جوڈ کتگ- لکھنو ءِ نیمگ ءَ اویش خان ءَ سَے وکٹ گپتگ انت –
آئی پی ایل دوھزار بیست ءُ سَے ءِ بیست ءُ ششمی گوازی ءَ لکھنو ءِ کمتریں اسکور ءَ ابید ھم راجستھان ءَ گوازی بُرت نہ کُتگ ءُ دھ رناں بے سوب بوتگ – ٹاس ءِ نہ کٹگ ءَ پد اولسر ءَ بیٹنگ کنان ءل لکھنو ءَ بیست اووراں ھپت وکٹانی تاوان ءَ یکسد ءُ پنجاہ ءُ چار رن جوڈ کتگ انت – کائل ءَ چِل ءُ دو بالاں پنجاہ ءُ یک رن جوڈ کتگ ءُ اشی ءَ ابید کپٹن کے ایل راہول ءَ سِی ءُ نُھ رن جوڈ کتگ انت – راجستھان ءِ نیمگ ءَ چندرن اشون ءَ درساں گیش دو وکٹ گپتگ انت –