یمن ءِ سرکار ءُ ھوسیانی میان ءَ بندیگانی یل کنگ بندات بیتگ

جنگ ءِ وھد ءَ دزگیر کنگ بیتگیں بندیگانی یل کنگ ءَ یمن ءِ سرکار ءُ ھوسیانی میان ءَ بیتگین مسام ءَ نُھ سد بندیگانی یل کنگ مروچی بندات بیتگ-

عرب نیوز ءِ رد ءَ میان اُستمانی کمکی گل انٹرنیشنل کمیٹی آف ریڈ کراس ءَ مروچی آدینگ ءَ چاگردی ترام جاہ ٹوئٹر ءَ ٹویٹ کنان ءَ گوشتگ کہ مئے ٹیم ءِ باسکاں بندیگانی چِک ءُ تان کتگ اَنت ءُ اے گپ راست کتگ بندیگیں مردم سپر کت کن اَنت –

یمن ءِ سرکار ءِ نائب وزیر برائے انسانی ھکانی ماجد فضائل ءَ گوشتگ کہ سَے روچانی وھد ءَ سعودی عرب ءُ یمن ءِ بنجاھی شھر ثنا ءِ میان ءَ ھلوکیں بالیگانی سر ءَ بندیگ یل کنگ ءُ آرگ بہ بنت-

ریڈ کراس ءِ رد ءَ بندیگانی یل کنگ ءِ واستا یمن ءِ دو شھر عدن ءُ ثنا ءَ دو جتا جتائیں تکاں بالیگ بالینگ بنت-

بندیگیاں” یمن ءُ سعودی عرب ءِ جتا جتائیں شھراں چہ ارگ ءُ برگ بنت – اے یل کنگ ءِ وھد ءَ مئے ٹیم سرجم ءَ جاڑیگ بنت ءُ کجام ناوشین جاوراں کمکی کنگ ءَ کمک کن اَنت-

انٹرنیشنل ریڈ کراس یمنی ءُ سعودی ریڈکراس ءَ ھوار بنت ءُ جانسلامتی ءِ کاراں گھتری ءِ نیمگ ءَ کار اَنت –

ریڈکراس ءِ رد ءَ دلرنجیانی سببب ءَ بازیں کھول زھر ءُ کھر بیتگ اَنت ماہِ رمزان ءَ دوبر مردم وشان کنگ بوگ ءَ اَنت اے مزنیں مسیبت ءِ گشینگ ءِ یک اُمیتے ءِ آسر اِنت-

اکتوبر دو ھزار ءِ توک ءَ یک ھزار بندیگیں مردم یل کنگ بیتگ اَنت چریشی ءَ پد اے درستاں مستریں یل کنگ ءِ وھد اِنت سَے روچانی توک ءَ سرجم بیت اِنت – یمن ءِ جیڑہ سال دوھزار ءُ چاردہ ءَ بندات بیتگ کہ ھوسیاں بنجاھی شھر ثنا ءُ ڈیھ ءِ گوریچانی ھنداں دستیگی کتگ –