بلوچستان لبریشن فرنٹ ءِ جارکش میجر گھرام بلوچ ءَ رسانکدر ءَ شنگ کُتگیں وتی درشانے تہءَ گُشتگ کہ مئے سرمچاراں 29 مارچ ءِ سھب ءِ ادار سئے ءَ کراچی ءَ شاہ لطیف تھانہ ءِ نزیک ءَ پولیس ءِ گشت کنوکیں ٹولی ءِ گاڑی یے سرءَ دستی بم ءَ گوں اُرش کُتگ۔ اے اُرش ءِ تہءَ پاکستانی لشکریاں جانی ءُ مالی تاوان ءِ دیمپانی کنگ کپتگ۔
جارکش ءَ گُشتگ کہ اے اُرش پاکستانی پولیس ءِ ھاترءَ یک ڈاہ اِنت کہ آ کراچی ءُ سندھ ءِ تہءَ بلوچ مھلوک ءَ تنگ کنگ، زھگ ءُ جنینانی چکچینی ءَ چہ دز کش بہ بنت۔ اگں نہ آ عبرت ءِ نشانگ کنگ بنت اِنت۔
آئی ءَ گُشتگ کہ کراچی ءِ جتاھیں دمگاں بے میاریں بلوچ ورناھانی دزگیر کنگ ءَ پد بی ایل ایف ءَ گوں بندوکی پیش دارگ پاکستانی لشکریانی پدریں لپرزگوی ءُ پروش وری ءَ پدر کنت، ما پدر کنیں کہ دژمن کجام ھم دروشم ءَ ءُ کجام ھم جاہ ءَ بہ بیت، مئے نشانگ ءِ سرءَ اِنت۔
جارکش ءَ گُشتگ کہ بلوچستان لبریشن فرنٹ اے اُرش ءِ زمہ واری ءَ من اِیت۔ قوضہ گیریں لشکریانی سرءَ زور گپتگیں بلوچستان ءِ آجوئی ءَ داں برجاہ بنت۔