روکپتی بلوچستان ءَ یک ورنایے ایرانی چیریں ادارھاں دزگیر کنگ ءَ پد بیگواہ کتگ –
گیشیں ھالانی رد ءَ روکپتی بلوچستان ءِ بنجاھی شھر زاھدان (دزاپ) ءَ ایرانی چیریں ادارہ اطلاعات ءَ یک ورنایے دزگیر کنگ یَ پد بیگواہ کتگ-
بیگواہ کنگ بیتگیں ورنا ءِ پجار بیست ءُ چار سالی ئیں مھمد براھوئی ء عبدالکریم ءِ نام ءَ زانگ بیتگ-
مھمد براھوئی ھما وھد ءَ دزگیر کنگ بیتگ کہ چہ بازار ءَ واتر وتی لوگ ءَ روگ ءَ بیتگ کہ اود ءَ لس پوشاکی کارندھاں دزگیر کنگ ءَ پد گوں وت برتگ-
زانگ بہ بیت روکپتی بلوچستان ءَ ماھو بلوچ ءِ انساپ ءِ ھاتر ءَ بیوکیں زھرشانیانی درچاں بازیں کساسے ءَ مردم گرگ ءُ بیگواہ کنگ بیتگ اَنت-
ھمے وڑ گوستگیں زاھدان ءَ بیگوھینانی ھلاپ ءَ زھرشانی کنگ بیتگ ات کہ اود ءَ لس مردماں بھر زرتگ ات ءُ بیگواھیں مردمانی یل کنگ ءِ لوٹ اش کتگ ات-