بلوچستان ءَ جتا جتائیں وئیلاں بیست ءُ شش مردم زدگ، دو بیران

سربوتگیں ھالانی رِد ءَ بلوچستان ءِ جتا جتائیں ھند ءُ دمگاں دیم ءَ اتکگیں وئیلاں بیست ءُ شش مردم زدگ بوتگ انت وھدیکہ دو مردم بیران بوتگ انت –

گیشیں ھالانی رِد ءَ کان مھتزئی ءَ کوچ ءِ دگ ءِ وئیل ءِ آماچ بوتگ، وئیل ءَ پانزدہ مردم زدگ بوتگ انت کہ آھانی تہ ءَ یکے ءِ جاور نگیگ انت –

دومی نیمگ ءَ باپاری شھر ھب چوکی ءَ ھمے ھال آیگ ءَ انت کہ ھب چورنگی ایونٹ اسٹیل کمپنی ءِ کرین کپگ ءَ سَے مردم زدگ بوتگ انت ءُ یکے بیران بوتگ –

زدگ بوتگیں مردم جام غلام نادراھجاہ ءَ برگ بوتگ انت وھدیکہ بیران بوتگیں مردمے سیادی چہ پنجاپ انت –

ھمے وڈ شاھرگ ءِ اشکرانی چات ءِ لمبگ ءَ یک کاریزکار ءِ بیران بوتگ –

ھالانی رِد ءَ شھرگ ءَ اشکرانی چات ءِ ایرنشتگ کہ آئی ءِ تہ ءَ ھشت کاریزکار پنس اِتگ انت ءُ آھانی تہ ءَ چار مردم بیھوشی ءِ جاوراں گوً درکنگ بوتط انت ، وھدیکہ یکے ءِ جون درکنگ بوتگ –

لیویز واکدارانی گوشگ انت چات ءَ درکنگ بوتگیں چاریں کاریزکارانی جاور نگیگ انت کہ شال ءَ دیم دیگ بوتگ انت –