بلوچستان ءِ جتاجتائیں دمگاں بیتگیں دگ ءُ تیرگواری ءِ وئیلانی آسر ءَ پنچ مردم بیران ءُ یکے ٹپی بیتگ-
سربوتگیں ھالانی رِد ءَ باپاری شھر ھب کور ءَ گُدانی شودگ وھد ءَ زالبول گوں چُک ءَ ھوار گْورم ءِ تہ ءَ کپتگ اَنت چریشی ءِ آسر ءَ چُک بیران بیتگ وھدے کہ زالبول رکّینگ بیتگ-
دومی وئیل جھل مگسی نوتال دگ ءِ نزیک ءَ ناشناسیں سلاہ بندیں مردماں ٹرکانی سر ءَ تیرگواری کتگ چریشی ءِ آسر ءَ دو ٹرک ڈرائیور بیران بیتگ اَنت – پولیس وئیلجاہ ءَ سر بیتگ ءُ لاش نادُراھجاہ ءَ برتگ اَنت-
ھمے وڑ چاگی امین آباد نزیک ءَ دُزاں تیرگواری کتگ غلام رسول نامیں مردمے کُشتگ وھدے کہ فلک شیر ء چیئرمین علی بیگ ٹپی کتگ ءُ تتکگ-
ھمے وڑ کراچی ءَ تیرگواری ءِ آسر ءَ بلوچستان ءِ شھر ھب ءِ جھمنند ءُ ھب رمضان ھوٹل ءِ منیجر کُشتگ-
وئیل سوب انگت زانگ نہ بیتگ-