پاکستانی پوج ءَ بلوچستان ءِ دمگ آواران ءَ بیڑے ءِ وھد ءَ یک مردمے ءِ کُشگ ءِ ٹاہ داتگ-
پاکستانی پوج ءِ جارکش ءِ رد ءَ سکیورٹی لشکر ءَ آواران ءَ چیریں ڈولے ءَ بیڑ برتگ، ھیلی بورن فورس ءِ زور ءَ سلاپ بندیں مردمانی بگیری ءَ بیڑ برتگ-
آئی ایس پی آر ءَ گوشتگ کہ فورسز ءَ تیرگواری ءِ میان ءَ سلاہ بندین مردمے کُشتگ ءُ سلاہ ءُ تیر دستیگ کتگ اَنت-
زانگ بہ بیت گوستگیں روچ ءَ بلوچستان ءِ دمگ کیچ ءِ نادراہ جاہ ءَ ھشت لاش آورتگ ات کہ آیانی پجار مروچی بیتگ اَنت-
اھوالانی تہ ءَ گوشگ بیتگ گوستگیں روچ ءَ مزن بند ءِ کوہ ءَ گوں پاکستانی لشکر ءِ گون ءَ میڑ ءَ نمیران بیتگیں مردمانی پجار بیتگ اَنت-
نمیران بیتگیں مردمانی پجار محمد کریم ء شَے محمد جھمنند گوبرد مند، ھزّا ء سالہ محمد جھمنند گوک مند، منصور جھمنند بلوچ آباد مند، جلال جھمنند بلوچ آباد مند، تالب ء یاسین جھمنند مند مھیر، شھزاد جھمنند گومازی، آسپ ء ھیبتان جھمنند دشت درچکوہ ءُ مولابکش ء کریم بخش جھمنند دشت درچکوہ ءِ ناماں زانگ بیتگ اَنت –
تنی وھدی اے نمیران بیتگیں مردمانی بارو ءَ سلاہ بندیں گلانی نیمگ ءَ اے درگت ءَ ھچ درشان دیم ءَ نیتکگ اَنت-