روکپتی بلوچستان ءِ دمگ ایرانشھر ءَ ایرانی زمین ءِ سر ءَ چار ءُ ٹپاس کنوکیں ادارہ میونسپل ءِ کارمنداں گوستگیں روچاں لس مردمانی دکان کروتکگ ءُ دور داتگ اَنت-
شنگ بیتگیں تامر بند ءِ توک ءَ گندگ بیت اِنت کہ اود ءَ لوڈر دکاناں لُڑینگ ءُ دور دیگ ءَ اِنت –
میونسپل ءِ گوشگ اِنت کہ اے دُکان گیر کانونی ءَ چریشی ءِ سر ءَ ایشانی سر ءَ کروجگ ءُ دور دیگ ءِ ھکم اتکگ بیتگ –
زانگ بہ بیت روکپتی بلوچستان ءَ چوشیں وئیل پیش ءَ ھم بیتگ اَنت اود ءَ میونسپل ءِ کارمنداں مھلوک ءِ لوگ دور داتگ انت-
چد ءُ پیش تیابدپی شھر چھبار ءُ بنجاھی شھر زاھدان ءَ ھم اے وڑیں وئیل گندگ ءَ اتکگ بیتگ اَنت کہ اود ءَ مردمانی گیس میونسپل ءِ کارمنداں گیر کانونی گوشتگ ءُ کروتکگ ءُ دور داتگ اَنت-