بلوچستان ءِ دمگ چاغی ءِ نزیک ڈک ایریا ءَ چہ باز روچ کھنیں جون ءِ دوزکپتگ کہ پچارءِ ھاترءَ ھندی نادراھجاہ ءَ برگ بیتگ۔
چاغی پولیس واکدارانی ردءَ جون ءِ بابت ءَ یک شپانکے ءَ ھال داتگ کہ اِشی ءَ پد پولیس ھما جاہ ءَ سربیتگ، جون آر ایچ سی نادراھجاہ چاغی ءَ برگ بیتگ کہ آودہ جونے پجار پیرک ء رئیس خان ءِ نام ءَچہ بیتگ۔
واکدارانی ردءَ اے وئیل ءِ پشدری اھوال داں انگت زانگ نہ بیتگ اَنت وھدیکہ گیشتریں پَٹ ءُ پول ھندی پولیس کنگ ءَ اِنت۔
زانگ بہ بیت گوستگیں لھتیں روچانی تہءَ بلوچستان ءِ جتاھیں دمگاں چہ پنچ جون دزکپتگ اَنت۔