زامران ءَ پاکستانی پوج ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ

سربوتگیں ھالانی رِد ءَ ناشناسیں سلاہ بندیں مردماں بلوچستان ءِ دمگ زامران ءَ پاکستانی پوج ءِ سر ءَ اُرش کتگ –

اُرش زامران ءِ ھند نرمگی ءَ پاکستانی پوج ءِ پانگِسے ءِ سر ءَ کنگ بوتگ کہ اُرش ءَ پاکستانی پوج ءَ جانی تاوان ءِ دیمپانی بوتگ، اُرش ءِ زمّہ واری بلوچ آجوئی لوٹوکیں سلاہ بندیں گل بلوچستان لبریشن فرنٹ ءَ منّ اِتگ –

بی ایل ایف ءِ جارکش میجر گوھرام بلوچ ءَ وتی شنگ کرتگیں درشان ءِ تہ ءَ گوشتگ کہ مئے سرمچاراں بیست ءُ چار دسمبر ءَ شمبے ءِ روچ ءَ کیچ ءِ دمگ زامران نرمگی ءَ برجاھیں پاکستانی پوج ءِ پانگس ءَ سر ءَ مزن ءُ وتکاریں سلاھانی گوں ءَ اُرش کرتگ- اُرش ءِ آسر ءَ دُژمنیں پوج ءَ جانی ءُ مالی تاوان بوتگ –

جارکش میجر گوھرام بلوچ ءَ گوشتگ کہ مئے اُرش بلوچستان ءِ آجوئی ءَ تاں زورگیریں پوج ءِ سر ءَ برجاہ مان انت –