یورپی یونین ءِ نیمگ ءَ گمانی بندش ءِ پژدر ءَ تاجراں روسی ڈیزل ءِ مُچ کنگ بندات کتگ

یورپی یونیں ءِ نیمگ ءَ گمانی بندش ءُ دگہ گمانانی پژدر ءَ تاجراں روسی ڈیزل ءِ مُچ کنگ بندات کتگ –

ھال سرکنوکیں ادار روئٹرز ءِ رد ءَ یورپی یونین پنچ فروری ءَ داض روس ءَ بھا بیوکیں تیل ءِ سر ءَ بندش جنت چریشاں درستاں گیشتر ڈیزل بندش ءِ دیمپان بیت اِنت-

ھمے وڑ روسی دگہ تیلانی بندش ءِ سر ءَ ھمے سال ءِ دسمبر ءَ داں بندش جنگ بیت اِنت –

برطانوی کمپنی وورٹیکسا ءِ کلانیں منیجر پامیلا منگر ءَ گوشتگ کہ اکتوبر ءِ میان ءَ داں دوازدہ نبر ءِ میان ءَ یورپ ءَ مچ کنگ بیتگیں روسی ڈیزل ءِ کساس ءَ یک سد ءُ بیست ءُ شش درسد گیش بیتگ-

نومبر ءَ کچ ءُ کساساں چارگ بہ بیت گڑا اشی ءَ چہ پدر بیت اِنت یورپ ءَ ھلوکیں گاڑیاں کارمرد بیتگیں تیل چل ءُ چار درسد روسی ڈیزل بیتگ ءُ اکتوبر ءَ سی ءُ نُھ بیتگ-

ھمے سال ءِ فروری ءَ یوکرین ءِ سر ءَ بیتگیں اُرش ءُ یورپ ءَ روسی تیل ءِ کساس ءَ پنجاہ درسد کم بیتگ بلے داں انگت ءَ یورپ ءَ ڈیزل پُجارینوکیں ڈیھاں درستاں مستریں ڈیھ رود اِنت-

زرکاری زانتکار یوجین لنڈل ءِ گوشگ اِنت روس ءِ بندش ءَ ہد یورپی یونین ءَ کساس پنج سد یا شش سد بیرل ڈیزل ھمک روچ مچ کنگ لوٹ ایت اے امریکہ، روبرکت ءُ انڈیا ءَ کشگ بنت-

سی نومبر ءَ داں یورپی تاجراں واکدراں اے پیش کنگی اِنت ایمسٹرڈیم روٹرڈیم ءُ اینٹورپ (اے آر اے) ءِ زری دمگاں کجام ھم رنگیں روسی تیل مچ نہ کن اَنت –