بلوچستان: اوگان ءُ پاکستان ءِ سیمسری پوج ءِ میان ءَ جنگ

دی بلوچستان پتر ءَ سر بوتگیں ھالانی رِد ءَ سیمسر ءِ سر ءَ اوگان ءُ پاکستانی پوج ءِ میان ءَ تیرگواری کنگ بوتگ – ھردو نیمگاں مزنیں سلاہ کارمرز کنگ بوتگ انت –

دمگی اھوالکار ءِ رِد ءَ مروچی پنچ شمبے ءَ سیمسرانی سر ءَ نندوکیں ھردو ملکانی سلاہ بندانی کارمندانی میان ءَ تیرگواری کنگ بوتگ ھمے میان ءَ پاکستانی پوج ءِ نیمگ ءَ آس دیگ بوتگیں گولہ ءِ اوگان ءِ دمگ نوی کلی ءَ کپتگ – چریشی ءَ زالبول ءِ زدگ بوتگ کہ آ اسپین بولدک نادراھجاہ ءَ برگ بوتگ –

اھوالکار ءِ رِد ءَ اے میان ءَ تالبان پوج ءِ کارمنداں ھوار ھشت مردم زدگ بوتگ انت کہ آھانی تہ ءَ یک دمگی مردمے ءِ جاور نگیگ گوشگ بوگ ءَ انت –

ھردو نیمگاں تیرگواری ءِ وئیل پاک کلی شیخ لعل محمد، الیاس پوسٹ ءُ شھیدانوں ءِ ھند ءَ بوتگ انت گڈی ھالاں تاں ھردو نیمگاں تیرگواری برجاہ انت –

زانگ بہ بیت پاکستان ءُ اوگان ءِ سیمسری پوج ءِ گرءُ چل وھد وھد ءَ بوان انت ھردو نیمگاں یکے دومی ءِ سر ءَ سیمسری کانودانی بگیری کنگ ءِ الزام جنگ بیت انت –

وھدیکہ اے سیمسر ءِ سر ءَ پاکستان نیمگ ءَ جنگ بوتگیں ٹٹ ءَ ھم اوگانستان نہ منّیت باز براں ھمیشی ءِ سر ءَ ھم ھردو نیمگاں اُرش بوتگ انت –