کولواہ ءَ لشکریانی گوم ءَ دیم پہ دیمی جنگ ءَ چار کمانڈوزانی کُشگ ءُ دشت کھڈان ءَ کنسٹرکشن شرکت ءِ مشینریزانی ماندارگ ءِ زمہ واری ءَ من ایں۔ بی ایل ایف
بلوچستان لبریشن فرنٹ ءِ جارکش میجر گہرام بلوچ ءَ رسانکدراں شنگ کُتگیں وتی درشانے تہءَ گُشتگ کہ بلوچ سرمچارانی بگیری ءَ قوضہ گیریں پوج یکشلیں ڈرون اُرشانی پُشدرءَ بی ایل ایف ءِ سرمچاراں دژمن وتی اڈ داتگیں پندل ءِ تہءَ مان گیشینتگ ءُ دک جنگ ءِ ھاترءَ 17اکتوبر 2022 دو شمبے ءِ روچ ءَ شوربندی ءِ ردءَ پوجے یک ھندی ایجنٹی ءَ گوں زلورت ءِ شئے لوٹارینتگ ءُ کولواہ ءِ کوھی دمگ پارکنڈ کور ءَ یک جاھے ایر کُتگ اَنت ءُ وت شئے آنی کش ءُ کِراں کمانڈوزانی ایر گیجگی گمانی جاھاں چیر بیتگ اِنت۔
انچش کہ گمان بیتگ لھتیں ساھتانی تہءَ پوجی ڈروناں شئے آنی چیر دیگی جاھاں اُرش کُتگ میزائل جتگ۔
ڈرون اُرش ءِ یک ساھت ءِ تہءَ بازیں بالی پرگ آودہ سر بیتگ اَنت ءُ کمانڈوز ایر گیپتگ اَنت اِش ءُ شیلنگ کتگ اِش۔
پیسرءَ چہ ساڑی ایں بی ایل ایف ءِ سرمچاراں کمانڈوزانی سرءَ اُرش کتگ ءُ اِشی آسر ءَ چار کمانڈوز کُشتگ ءُ بازیں ٹپی بیتگ اَنت وھدیکہ اَے اُرش ءَ ھواریں بی ایل ایف ءِ درستیں سرمچار گوریلہ جنگی پرک کارمرز کنان ءَ پہ سلامتی درکپگ ءَ سوبمند بیتگ اَنت۔
وھدیکہ بی ایل ایف ءِ جارکش میجر گھرام بلوچ ءَ دگہ یک درشانے تہءَ گُشتگ کہ چارشمبے 19 اکتوبر ءِ بی ایل ایف ءِ سرمچاراں کیچ دمگ ءِ دشت کھڈان ھنکین ءَ پیرانی بست ءِ ھند ءَ یک کنسٹرکشن شرکت ءِ یک بُنجل ءِ سرءَ اُرش کُتگ۔
اُرش ءِ تہءَ سرمچاراں شرکت ءِ درستیں مشینریز مانداشتگ اَنت کہ اشانی تہءَ بلڈوزر ءُ ڈمپر گاڑی ھوار اَنت، درست ستکگ ءُ بیکار بیتگ اَنت۔
بی ایل ایف ءِ جارکش ءَ گُشتگ کہ سرجمیں بلوچستان ءَ دیر دراجیں کوھی دمگانی تہءَ کہ آودہ آبادی ءِ گمان ھم نہ اِنت ھما دمگانی تہءَ سر بیگ ءِ ھاترءَ لشکریانی پہ ارزانی اے دمگانی تہءَ سربیگ ءِ ھاترءَ دگانی اڈ کنائنگ ءُ بلوچ جھداں گوں ھمگرنچیں مردمانی ٹریس کنگ ءِ ھاترءَ موبائل ٹاورانی سرءَ ھم کار کنگ ءَ اَنت۔ ھمے پئیم ءَ پہ ارزانی رپت آمد ءِ ھاترءَ دگ ھم جوڑ کنگ ءَ اَنت۔ اے کارانی تہءَ بازیں ھندی پوجے کارندہ جوڑ بیتگ اَنت۔ اے وتگڑیں دیمروی مئے ھاترءَ نہ اّنت پرچہ کہ گھگیری ءَ پیسر ادا یک کلومیٹر دراجیں ھم پکاھیں دگ اڈ نہ بیتگ اَنت۔
میجر گھرام بلوچ ءَ گُڈسرءَ ھندی مردماں گُشتگ کہ آ پاکستانی لشکریانی کجام ھم سامراجی شوربندیانی بھر مہ بنت ءُ نانکہ آیاں کجام ھم پئیمیں کمک بہ کن اَنت۔ لشکریانی کمکاری کنوک وتی تاوانانی زمہ وار وت بنت۔