کیچ: سی پی ڈی پائیٹ ءِ نیمگ ءَ یونیسیف ءِ کمک ءَ شش روچی مراگش

بلوچستان ءِ دمگ کیچ ءِ بنجاھی شھر تربت ءَ یونیسیف ءِ کمک ءَ ھیڈ آف اسکولز ءِ ھیلکاری ءِ واستا یک شش روچی ٹیچرز ٹریننگ مراگشے برجم دارگ بیتگ چریشی ءَ چل ءُ ھشت بچکانی ءُ فیمیل ھیڈ آف اسکولزاں بھر زرتگ-

سی پی ڈی، پی آئی ٹی جی ءِ دمگی منیجر نزیر اھمد ءَ گوں اھوالکاراں تران کنان ءَ گوشتگ کہ چل ءُ ھشت ھیڈ ماسٹر ءُ ھیڈمسٹریساں بھر زرتگ-

آئی ءَ گوشتگ کہ اے ٹریننگ پشت ما پشت ءَ گرلز ءُ بوائز ماڈل اسکولاں دہ داں پانزدہ اکتوبر ءَ برجاہ بیتگ چریشی ءَ ھیڈ ٹیچرز ءِ وانگی، سر ءُ سوج ءُ انتزامی اژدری چار ءُ ٹپاس بیتگ اَنت-

آئی ءَ گوشتگ کہ اے چیزانی چارگ ءَ پد اے بیتگ کہ ھیڈٹیچرزاں نوکتریں وانگی رژنائی ءُ وتی وانگجاھاں دراھیں آسراتی رنگاں سرجم کت بہ کن آں ءُ ٹیچر ءِ بنکی سنچ بیست ءُ یکمی کرن ءِ رنگ ءَ بہ بیت اِنت-

پانزدہ اکتوبر ءَ گرلز ماڈل اسکول تربت ءَ دادگری مراگشے برجم دارگ بیتگ کہ اود ءَ سرجمیں ھیڈٹیچرزاں داد دیگ بیتگ اَنت –

نیاد ءِ گچینی مھمان ڈویژنل ڈائریکٹر تعلیم عبدالغفور دشتی بیتگ دمگی تعلیمی آفسر منظور اھمد ءُ دراھیں ڈی ڈی اوزاں ھم بھر زرتگ –

مراگش ءَ تران کنان ءَ ایجوکیشن عبدالغفور دشتی ءَ گوشتگ سی پی ڈی ءُ سی آئی ٹی ءِ نیمگ ءَ شش روچی ھیلکاری سیشن ءِ ایر باز جوانیں گپے، گڈسر ءَ سی پی ٹی ءِ منیجر نزیر اھمد ءَ سرجمیں مھمانانی منت گپتگ ءُ مراگش آسر بیتگ-