سر بیتگیں ھالانی رد ءَ روکپتی بلوچستان ءِ بنجاھی شھر زاھدان ءَ ایرانی لشکر ءَ یک لوگے ءِ سر ءَ بیڑ برتگ ءُ اود ءَ چہ پنچ آوار جنگ ءَ پد بیگواہ کرتگ اَنت-
گیشیں ھالانی رد ءَ زاھدان ءِ ھند بعثت ءَ یک لوگے ءِ سر ءَ گوستگیں شپ ءَ چیریں ادارھاں بیڑ برتگ ءُ اود ءَ پنچ کس آوار کنگ ءُ برتگ اَنت-
آوار جنگ بیتگیں مردمانی تہ ءَ یکے ءِ پجار سعید ءِ نام ءَ زانگ بیتگ ءُ آ دگہ مردمانی پجار نہ بیتگ اَنت-
زانگ بہ بیت زاھدان ءَ گوستگیں آدینگ ءَ بندات بیتگیں زھرشانی ءُ ایرانی لشکر ءِ میان ءَ جنگ ءُ چوپاں بازیں کچے ءَ مردم بیران بیتگ ات اَنت –
گوستگیں روچ ءَ چہ زاھدان ءَ کار ءُ باری پھنات پچ بیتگ اَنت بلے اود ءَ تنی وھدی ترس ءُ بیم ءِ جاور ھست اَنت ءُ اود ءَ بازیں کساسے ءَ نگھداری ءَ سیکورٹی ادارھانی تہ ءَ سُر ءُ مانسری اتکگ اَنت –
ھمے وڑ ءَ زاھدان ءَ ھواریں دمگ راسک ءَ ھم پوجی سر ءُ مانسرانی تہ ءَ گیشی گندگ ءَ اتکگ اَنت-