بلوچستان ءِ دمگ کیچ ءَ گوستگیں یک ھپتگے ءَ پوج ءِ لشکر کشی برجاہ ءَ اَنت-
سربوتگیں ھالانی رِد ءَ کیچ ءِ دمگ مزن بند ءَ گوستگیں یک ھپتگے ءَ چہ پوج ءِ لشکر کشی برجاہ ءَ اِنت، چریشی ءَ نا تھنا پیادگ پوجی کارندہ بھر زورگ ءَ اَنت بلکیں آیاں جنگی بالگردانی کُمک ھم گون اِنت-
دمگی اِھوالکارانی رِد ءَ یک ھپتگے ءَ ساری پاکستانی پوج ءَ مزن بند کوھی دمگ ءَ جتائیں راہ ءُ دراں چہ پُترتگ اَنت کہ تنی وھدے اے دمگ ءَ لشکر کشی ءَ دلگوش اِنت –
ھالانی رِد ءَ جتائیں ھنداں پاکستانی پوج ءُ بلوچ سرمچارانی میان ءَ میڑ ھم بوتگ- بلے آزاتیں رسانکدر ءَ انگت اے گپ ءِ پدری نہ بوتگ-
دومی نیمگ ءَ بلوچستان ءِ ضلع ھرنائی ءَ پوج ءُ سرکاری کارندھانی سلاہ بندیں مردمانی دست ءَ دزگیر بوگ ءُ پاکستان پوج ءِ بالگرد ءِ جنگ دور دیگ ءَ پد لشکر کشی ءِ دْرچ جتائیں دمگاں برجاہ ءَ اِنت-
دمگی اِھوالکارانی رِد ءَ پوجی بالگرد ءُ چاریگی بالیگراب برز ءَ گندگ بوتگ اَنت – بلے پوج دزگیر بوتگیں کارندھانی یل کنائینگ ءَ انگت سوبمند نہ بوتگ-