کابل ءَ وانگی ادارہ ءَ وتکش تراک، نوزدہ مردم بیران

اوگانستان ءِ بنجاھی شھر کابل ءَ وانگی ادارہ ءَ آدینگ ءِ سھب ءَ وتکش تراکے ءَ نودزدہ مردم بیران بیتگ اَنت –

پولیس ءِ جارکش خالف زدران ءَ گوشتگ کہ آدینگ ءِ سھب ءَ کابل ءَ یک وانگء ادارھے ءَ وتکش تراکے ءَ کم چہ کم نوزدہ مردم بیران بیتگ اَنت-

آئی ءَ گوشتگ کہ نودربر چکاس ءِ چن ءُ لانچ ءَ بیتگ اَنت وانگی بنجل ءَ یک وتکش اُرشکارے ءَ اُرش کرتگ – اُرش ءَ نوزدہ مردم بیران ءُ بیست ءُ ھپت زدگ بیتگ اَنت-

اے تراک دشت برچی ءِ نزیک ءَ بیتگ کہ روکپتی کابل ءَ شیھانی آبادی اِنت-

وزارت داکلہ ءِ جارکش عبدالنافع تکور ءَ ٹویٹے ءَ گوشتگ کاج نامیں یک وانگی بنجلے ءَ اُرش بیتگ ءُ چریشی ءَ مردمانی بیرانی زدگ بیتگ اَنت-

آئی ءَ گوشتگ کہ سیکیورٹی ءِ ٹولی تراک جاہ ءَ سر بیتگ اَنت ءُ بیران ءُ زدگ بیتگینانی کچ رند ءَ گوشگ بیت اِنت آئی ءَ گوشتگ دشمن شھریانی سر ءَ بزدلیں اُرش کن اَنت ءُ آیاں تاوان دیگ ءَ اَنت-

آن لائن پوسٹ ءِ نیمگ ءَ شنگ بیتگیں تامر ءُ دمگی رسانکدرانی نیمگ ءَ شنگ کنگ بیتگیں اکساں گندگ بیت اِنت کہ اود ءَ تاوانباریانی دیمپانی بیتگ-