ورلڈ سندھی کانگریس ءَ یو این انسانی ھکانی کونسل ءِ دیم ءَ زھرشانی کرتگ

ورلڈ سندھی کانگریس ءِ نیمگ ءَ بیست ءُ دو ستمبر دوھزار ءُ بیست ءُ دو ءَ جنیوا ءَ میان اُستمانی انسانی ھکانی کونسل ءِ کارگس ءِ دیم ءَ زھرشانی کرتگ، زھرشانی ءَ بلوچستان ءُ کشمیر ءِ ڈرانڈھی رھشون ھوار ءُ یورپ ءَ ھواریں بازیں ڈیھانی انسانی ھکانی باسکاں ھم بھر زرتگ-

جنیوا ءَ زھرشانی کنوکانی گوشگ ات پاکستان زورانسری آوار جنی، ابید آمیدگسی پرمان ءَ کُشگ، نیکراھی تکانی سر ءَ زُلم ءُ زوراکی، لُٹ ءُ پل زورگری ءِ زور ءَ سندھی، بلوچ، کشمیری ءُ پشتون مھلوک ءِ ھلاپ ءَ بے کساسیں جرماں کنگ اِنت –

زھرشانی ءَ تران کنان ءَ سندھی کانگریس ءِ رھشون ءَ گوشتگ ات کہ مروچی سندھ ءَ توپان ءَ ھزراں سالانی راجدپتر ءَ ناوشیانی دیمپانی اِنت چریشی ءَ دو کروڑ ءَ گیش مھلوک اسرمند اَنت یک کروڑے ءَ گیش مھلوک بے لوگ بیتگ اَنت ءُ بلے پاکستان ءُ آئی ءِ ھاکم ردیں درشان دیگ ءَ اَنت کہ اے کھر مولمانی بدلی ءَ اتکگ اَنت-

سندھی رھشون ءَ گوشتگ ات راستی ایش اِنت توپان ءُ موسمانی گر ءُ دار کنگ ءَ اے بیتگ ات کہ آپ ءِ دارگ ءُ جتائیں رنگاں یکشل ءَ بد انتزامیہ ءُ انیگیں تباھی ءَ ھستین وھد ءِ جرمانی سر ءَ یک مزنیں کچے ءَ انسانی زوالے پیداگ بیتگ پاکستان اے تباھی ءِ پژدر ءَ دنیا ءِ گور ءَ کلدار گرگ اِنت ءَ زیردستیں راھاں کارمرد کنگ اِنت-

زھرشانی کنوکاں گوشتگ ات کہ پاکستان ءِ سرکات لکانی کچ ءَ سندھی مھلوک ءِ کمک ءَ ھچ رنگ ءَ دلمانگ نہ اِنت-

ورلڈ سندھی کانگریس ءِ رھشوناں ھمے وھد ءَ سیکرٹری جنرل ءَ یک میمورنڈمے پیش کتگ چریشی ءَ میان اُستمان ءُ آئی ءِ برادری ءِ دزبندی کنگ بیتگ یک کمیٹی ءِ بہ دار ایت ءُ پاکستان ءَ را سندھیانی کوش ءِ دارگ ءُ توپان ءَ تباہ بوتگیں سندھیانی کمک ءَ بہ کنت-