زرباری کوریا ءَ گوریچانی کوریا ءِ سر ءَ بیلسٹک میزائل ءِ آس دیگ ءِ بھتام جتگ

زرباری کوریا ءِ پوج ءَ ٹاہ داتگ گوریچانی کوریا ءَ یکشمبے ءِ روچ ءَ رودراتکی زر ءَ یک بیلسٹک میزائلے آس داتگ-

فرانسیسی ھبررساں ادارہ اے ایف پی ءِ رد ءَ زرباری کوریا ءِ بنجاھی چھر سیول ءَ جوائنٹ چیفس آف اسٹاف ءَ گیش گوشتگ کہ یکشمبے ءِ سھب ءَ یک درشانے ءَ گشتگ گوریچانی کوریا ءَ یک بیلسٹک میزائلے آس داتگ-

اے میزائل لانچ ان رپورٹس ءَ.پد دیم ءَ اتکگ بیتگ اے گوشگ بیت اِنت پیانگ یانگ آبدوز ءَ چہ لانچ کتگیں بیلسٹک میزائل آس دیگ ءِ چن ءُ لانچ بنت-

جاپان ءِ زر پھازی ءَ ھم ٹوکیو ءِ وزارت دفاع ءَ ھال رسینتگ بیلسٹک میزائل لانچ بوگ ءِ ھال راست اِنت ءُ آپی گراباناں شیوار بیگ ءِ کڈنی کرتگ-

کوسٹ گارڈ ءَ گوشتگ کہ آپی گراب نوکیں سرپدیانی واستا شیوار بہ بنت – اگاں شمارا چیزے گندگ ءَ کیت اِنت گڑا آئی ءِ نزیک ءِ روگ ءَ پھریز بہ کن ات ءُ کوسٹ گارڈ ءَ ھال سر بہ کن اِت-

جاپان ءِ پبلک براڈکاسٹرے ءَ گوشتگ کہ ھنچش گمان بیت کہ اے آبجیکٹ جاپان ءِ گچینی راہ ءَ ڈن دور دیگ بیتگ-

آدینگ ءِ روچ ءَ جوھری تاکت ءِ ھلوکیں یو ایس ایس رونالڈ ریگن ءُ آئی ءِ اسٹرائیک ٹولی ءِ آبی گراب زربای بندرگاہ ءِ شھر بوسان ءَ بڈ اتگ ات کہ سیول ءُ واشنگٹن ءِ نیمگ ءَ دمگ ءَ کار کنوکیں امریکہ اسٹریٹجک مڈیانی ایر کنگ ءِ جھد ءِ بھر اَنت-

مئی ءِ ماہ ءَ واک ءِ داروکیں زرباری کوریا ءِ سروک یون سک یول ءَ وتی پیش ءِ دور ءَ گوریچانی کوریا ءِ گون ءَ سالانی سال وتی بے سوبیں سیادی ءَ پد امریکہ ءِ گون ءَ ھمسنتیں پوج ءِ گون ءَ پوجی ھیلکاریانی تہ ءَ گیشی آورتگ اَت-

یو ایس ایس ریگن ءَ ھمے ماہ ءَ زرباری کوریا ءِ رودراتکی زر ءَ ھمسنتیں پوجی ھیلکاریاں بھر زور ایت-

واشنگٹن سیول ءِ جوانیں سکیورٹی ھمسنتی ءُ زرباری کوریا ءَ کچ ءُ کساس بیست ءُ ھشت ھزار ءُ پنچ سد پوجی گوریچانی کوریا ءِ رکینگ ءَ دارگ بیتگ اَنت-

ھردوکیں ڈیھاں بازیں وھداں ھمسنتیں ھیلکاری کرتگ اَنت آیانی بارو ءَ گوشگ بیت اِنت اے ھیلکاری پھریزگی ءِ واستا بیتگ اَنت-

زرباری کوریا ءُ امریکہ ءِ واکداف بازیں ماھاں چہ اے گوشگ ءَ اَنت گوریچانی کوریا ءِ رھشون جونگ ان یک دگہ مزنیں سلاھایے ءِ تجربگ کنگ ءِ جھد ءَ اِنت-