ھزدار ءَ کشندہ ٹولی ءِ سر ءَ بوتگیں اُرش ءِ زمہ واری ءَ منّ اِیں – بی ایل اے

بلوچ سلاہ بندیں گل بلوچ لبریشن آرمی ءِ جارکش جئیند بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں ھزدار ءِ دمگ کھنڈ ءَ زورگیریں پاکستانی پوج ءُ چیریں ادارھانی جوڈ کرتگیں کشندہ ٹولی ءِ کارمند عامر غلامانی ءُ ممتاز غلامانی پنام ء منتو گجر ءِ سر ءَ بمب تراک ءِ کتگ – جارکش ءَ گوشتگ کہ اے ھما وھد ءَ بمب تراک ءِ نشانگ کتگ انت وھدیکہ وتی گاڑی ءِ سر ءَ گوزگ ءَ بوتگ انت – تراک ءِ آسر ءَ ھردو کارمند سک باز زدگ بوتگ انت ءُ گاڑی ءَ ھم تاوان رستگ –

جارکش جئیند بلوچ ءَ گوشتگ کہ اے مردم ھزدار ءُ کش ءُ گور ءِ دمگاں پاکستانی پوج ءِ جوڈ کرتگیں کشندہ ٹولی ءِ سروک شفیق مینگل ءِ چیردستی ءَ کار ءَ بوتگ انت – اے مردم گسانی سر ءَ بیڑ برگ ءُ ورنایانی زورانسری آوار جنی ءُ آھانی شھیدی ءَ ھم ھوار بوتگ انت وھدیکہ نشہ باپاری ءُ دزی ءُ ڈنگی دگہ چاگردی سلکاری ءِ ھم کتگ –

جارکش ءَ گوشتگ کہ اشانی سرجمیں نیٹورک ءِ درگت ءَ سرپدی رستگ ءُ دراہ بی ایل اے ءِ نشانگ انت – بلوچ لبریشن آرمی راج سر ءَ بوتگیں زلم زوراکیانی یک یک ءَ ھساب ءَ گپت –

جارکش ءَ گڈسر ءَ گوشتگ کہ بلوچ راج پاکستانی ءُ پوج ءُ آئی ءِ کمک کاراں چہ دور بہ بنت کہ بلوچ سرمچار کجام ھم وھد ءَ آھانی سر ءَ اُرش کت کن انت –