گوادر : سلاہ بندیں مردماں ٹرکانی کاروان ءِ سر ءَ اُرش کتگ-

بلوچستان ءِ تیاب دپی شھر گوادر ءَ ناشناسیں مردماں چہ پورٹ ءَ مڈی بروکیں ٹرکانی کاروان نشانگ کتگ اَنت-

سربوتگیں ھالانی رِد ءَ گوادر ءِ دمگ سربندن کراس ءَ کوسٹل ھائی وے سر ءَ گوادر پورٹ ءَ چہ مڈی بروکیں ٹرالر گاڑیانی سر ءَ ناشناسیں سلاہ بندیں مردماں اُرش کتگ-

ھالانی رِد ءَ اُرش ءَ گاڑیاں سک باز تاوان رس اِتگ وھدے کہ ڈرائیورانی ٹپی بوگ ءِ ھال اِنت-

انتزامیہ نیمگ ءَ انگت اے درگت ءَ گپ دیم ءَ نیتکگ-

زانگ بہ بیت اے ماہ ءَ گوادر ءَ دومی اُرش اِنت اشی ءَ ساری گوادر شھر ءَ پوج بمب اُرشے نشانگ کنگ بوتگ اَت وھدے کہ زمہ واری بلوچستان لبریشن فرنٹ ءَ منّ اِتگ اَت بلے مرچگیں اُرش زمہ واری انگت ھچ گل ءَ نہ زرتگ-