پاکستان ءِ سروزیر ءَ ھرنانی ءَ بیتگیں اُرش ایر جتگ

اے پی پی ءِ رد ءَ پاکستان ءِ سروزیر شھباز شریف ءَ بلوچستان ءِ دمگ ھرنائی ءَ آرمی ءِ بنجل ءَ بیتگیں اُرش ایر جتگ ءُ گوشتگ کہ نائیک عاطف ءُ سپاھی قیوم ءِ مرگ ءَ پدردیگاں –

آئی ءَ چہ رب ءِ پاک ءَ دو کرتگ ءُ گُشتگ اے ناگیگیں جاوراں کھولاں اوپار ءِ ھاٹیگ بہ دنت- آئی ءَ میجر عمر ءِ جاندراھی ءِ واستا دوا کرتگ-

ھرنائی ءِ دمگ کھوسٹ ءَ سیزدہ ءُ چاردہ اگست ءِ شپ ءَ سلاہ بندیں مردماں بازیں کچے ءَ پاکستانی پوج ءِ بنجاھی بنجل ءِ سر ءَ اُرش ءَ راکٹ ءُ دگہ سلاہ کارمرد کرتگ اَت-

ھمے وڑ ءَ بنجل ءِ کمک ءَ آیوکیں پوجی گاڑی ھم بنجاھی شھدگ ءِ سر ءَ سلاہ بنداں نشانگ کتگ ات-

اُرش ءِ زمہ واری بلوچ لبریشن آرمی ءَ من اتگ اَت گل ءِ جارکش جیئند بلوچ ءَ گشتگ ات کہ اُرش ءَ شش کارندہ مرتگ اَنت ءُ میجر رینک ءَ ھوار ھپت زدگ کتگ اَنت-

اشاں چہ ابید بی ایل اے ءَ گوستگیں روچ ءَ ھشت جتا جتائیں اُرشانی زمہ واری بی ایل اے ءَ منّ اتگ اَنت-