بلوچستان ءِ دمگ قلات ءَ پاکستانی لشکریانی گاڑی بمب اُرشے ءَ نشانگ کنگ بیتگ۔
اھوالانی ردءَ قلات ءِ ھند منگوچر ءَ ناشناسیں مردماں دگ ءِ کُنڈ ءَ بمب کَڈ کُتگ ءُ پاکستانی لشکریانی گاڑی ھما وھدءَ نشانگ کُتگ کہ آ چہ آودہ گوزگ ءَ بیتگ اَنت۔
تراک ءِ توار داں دیریں ھنداں گُوشدارگ بیتگ۔ واکدارانی نیمگءَ داں انگت تاوانانی درگت ءَ ھچ پئیمیں اھوال دیمءَ نئیتکگ۔
یات بہ بیت گوستگیں شپ ءَ پاکستانی پوج ءُ دگہ پھازگی لشکریانی سرءَ بلوچستان ءِ جتاھیں دمگ کہ اِشانی تہءَ ڈھاڈر، ھرنائی، مشکے ءُ قلات ھوار اَنت داں انگت چار اُرش بیتگ اَنت۔
ھرنائی اُرش ءَ پاکستانی پوج ءِ دہ کارمندانی ٹپی ءُ کُشگ بئیگ ءِ اھوال اِنت وھدیکہ آئی ایس پی آر ءَ دو کارمندانی کُشگ بئیگ ءِ ءُ یک میجر یے ٹپی بیگ ءِ ھال راست کُتگ۔