بلوچستان ءَ ھور ءُ توپان ءِ تباھی ءَ پد ڈسٹرکٹ پشین ءَ بازیں زھگے نادراھی ءِ آماچ بوتگ اَنت-
پشین ءَ اے نادراھی ءِ تالان بیگ ءَ دو زھگ بیران بیتگ اَنت بازینینے چرے نادراھی (ہیضہ) ءَ اسرمند بیتگ اَنت – سر بیتگین ھالانی رد ءَ پشین ءِ دمگ کلی شیخالزئی ءَ گوستگیں روچ ءَ محمد اسلم نامیں مردمے ءِ دو کسان سالیں زھگ ہیضہ ءَ وتی ارجان جتگ اَنت-
ڈسٹرکٹ ھیلتھ پشین ءِ ڈاکٹر غفار ءَ اے نادراھی ءَ زھگانی بیرانی ءِ ھال راست کرتگ- بیران بیتگیں دو گوھار اَنت آیانی اُمر شش ءَ چہ نُھ سال گوشگ بیگ ءَ اِنت-
ڈب خانزئی ءَ نادراھی ءَ اسرمندیں زھگ نزیکیں نادراہ جاہ ءَ برگ بیتگ اَنت اود ءَ آیاں دارودرمان دیگ بیتگ ءُ واتر لوگ ءَ روان دیگ بیتگ اَنت-
دمگی مھلوک ءَ چہ سرکار ءَ لوٹ کرتگ کہ بی ایچ او ڈب خانزئی ءُ بی ایچ یو ملکیار ءُ دگہ جاھاں زوت اے نادراھی ءِ رکگ ءِ واستا دارو درمان ءِ بند ءُ بست ءَ بہ کنت-