مند ءُ تُربت ءَ لشکر ءِ سر ءَ اُرشانی زِمہ واری ءَ منّ اِیں- بی ایل ایف

بلوچستان لبریشن فرنٹ ءَ کیچ ءِ ھند مند ھمزوئی بند ءُ تُربت شھر سِنگانی سر ءَ اُرشانی زِمہ واری منّ اِتگ۔

بلوچستان لبریشن فرنٹ ءِ جارکشّ میجر گْوھرام بلوچ ءَ وتی شِنگ کُرتگیں درشان ءِ تہ ءَ گْوشتگ کہ پنچ ساچان ( 5 اگست ) بیگاہ ءِ ادار پنچ ءِ نزّیک ءَ مئے سرمچاراں کیچ ءِ ھند مند باگزو ھمزوئی بند ءِ نزّیکیں کوھی دمگاں برجاھیں پانِگس ءِ نزّیک ءُ گْور ءَ لشکر ءِ سر ءَ اُرش کُرتگ، چریشی ءِ آسر ءَ لشکر ءِ دو کارمند مُرتگ۔

اُرش بلوچستان لبریشن فرنٹ ءِ جنگی گشتی ٹیم (Combat Patrol Team) ءِ نیمگ ءَ چہ ھما ساھت ءَ کنگ بوتگ کہ وھدے لشکر پہ دار چِنگ ءِ درگت ءَ چہ وتی پانگِس ءَ درکپتگ۔ سرمچاراں آیانی سر ءَ بیڑ بُرتگ ءُ اُرش کُرتگ، چہ اُرش ءِ آسر ءَ لشکر ءِ دو کارمند مُرتگ۔ سرمچاراں گوں چیرجنگی رِپکاں (گوریلہ تکنیک ) اُرش کُرتگ ءُ پہ دْرواہ ءُ سلامتی درکپگ ءَ سوبمَند بوتگ اَنت۔

بلوچستان لبریشن فرنٹ ءِ جارکشّ میجر گْوھرام بلوچ ءَ دیمتِر ءَ گْوشتگ کہ مئے سرمچاراں پنچ ساچان ( 5 اگست ) شپ ءِ ادار نُھ ءُ سِی مِلٹ ءَ یک دِگہ اُرشے ءَ کیچ ءِ بُنجاھی شھر تُربت ءِ ھند سِنگانی سر ءَ بورڈ ءِ نزّیک ءَ برجاھیں پانگِس ءِ سر ءَ گوں وتکاریں سِلاھاں اُرش کُرتگ، اُرش ءِ آسر ءَ لشکری کارمَند ٹپّی ءُ مالی تاوان ءِ دیمپان بوتگ۔

دیمتِر ءَ جارکشّ ءَ گْوشتگ کہ مئے سرمچنڈاں اربن چیرجنگی ( گوریلہ تکنیک ) رِپکاں گوں دُژمِنیں لشکر ءِ سر ءَ اُرش کُرتگ ءُ پہ جاندْراھی درکپگ ءَ سوبین بوتگ اَنت۔

گُڈّسر ءَ بلوچستان لبریشن فرنٹ ءِ جارکشّ میجر گْوھرام بلوچ ءَ گْوشتگ کہ زُورگِریں ریاست ءِ بگیر ءَ اے اُرش دانکہ زُورگِپتیں سرڈگار ءِ وتواجھی ءَ گیشتر گوں تْرندی ءَ برجاہ بَہ اَنت۔