بشی ھوراں بلوچستان بے کساس تاوانباری داتگ

بلوچستان ءَ بشی ھور 300 درسد بیتگ-

اے سال ءَ بلوچستان ءَ کش ءُ گورانی ریکارڈ پروشتگ اَنت بلوچستان ءَ داں انگت ءَ 305 درسد ءُ سندھ ءَ 218 درسد ءَ گیش ھور بیتگ اَنت-

این ڈی ایم اے ءِ رد ءَ شنگ کنگ بیتگیں کچ ءُ کساسانی رد ءَ گیشتر ھور بلوچستان ءَ 305 درسد ءُ سندھ ءَ 218 درسد ءَ گیش ریکارڈ کنگ بیتگ – پنجاب ءَ 101 درسد، خیبرپختوانخواہ ءَ 26 درسد ھور ریکارڈ کنگ بیتگ اَنت ءُ گلگت بلتستان ءَ 68 ءُ آزاد جموں کشمیر ءَ 9 درسد ءَ ھور بیتگ اَنت-

جارکش این ڈی ایم اے ءِ رد ءَ گوستگیں بیست ءُ چار ادارانی تہ ءَ توپان ءُ ھورانی گوارگ ءَ جتا جتائیں وئیلاں یازدہ مردم بیران بیتگ اَنت چریشی ءَ پد پاکستان ءَ توپان ءُ ھورانی گوراگ ءِ وھد ءَ بیران بیتگیں مردمانی کچ پنچ سد ءُ چِل ءُ نُھ ءُ سر بیتگ اَنت اشی ءُ ابید زدگ بیتگیں شش سد ءُ بیست ءُ ھشت ءَ سر بیتگ اَنت-

جارکش این ڈی ایم اے توپان ءُ ھورانی سبب ءَ 46 ھزاع 219 لوگاں تاوان رس اتگ –

زانگ بہ بیت گوستگیں گوراں بلوچستان ءِ بازیں جاہ آپ بڈینتگ اَنت بازیں پُھلانی پروشگ ءَ بلوچستان ءِ دگہ شھراں رو آئی راہ بند بیتگ اَنت بلوچستان ءِ سرکار ءِ رد ءَ بشی ھورانی وھد ءَ بلوچستان ءَ زالبول ءُ زھگاں ھوار یک سد ءُ ھپتاد مردم مرگ ءَ وتی ارجان جتگ اَنت-

دومی نیمگ ءَ ابید سرکاری رداِ بلوچستان ءَ ھور ءُ توپان ءَ بیران بیتگیں مردمانی کچ ءُ کساساں گیشتر گوش اَنت جتا جتائیں ھند ءُ دمگاں اسرمندیں مردم وتی کمک ءَ وت سرکنوکیں گلانی گوشگ اِنت بازیں جاھاں روگ ءُ آیگی ءُ نہ بوگ ءُ رھوتی ناسرجمی ءَ سرجمیں تاوانباری گوشگ بوگ ءَ نہ اَنت-

کمکی کاراں دزگٹیں گلانی گوشگ اِنت درستاں گیش بلوچستان ءِ دمگ لسبیلہ ھوراں چہ اسرمند بوتگ سرکاری کچ ءُ کساساں کمکی کار بازیں جاھاں سر نہ بوتگ اَنت چریشی ءِ سبب ءَ اسرمندیں مردم بازیں اڑ ءُ جنجال ءُ نادراھیانی دیمپانی ءِ آماچ اَنت- لسبیلہ ءِ دمے لاکھڑا ءَ ملیریا، گیسٹرو، ڈائریا ءُ پوستی نادراگیان باز گیشی اتکگ گند ءُ گسڑانی تالان بیگ ءَ اتکگیں نادراھیاِ گیشتر اسرمندیں مردمانی تہ ءَ زھگ اَنت-

بلوچستان ءَ توپانی تاوانباری یکشل ءَ برجاہ اَنت مرگ ءُ نادراھی مھلوک ءَ وتی ارجان جنگ ءَ اَنت دومی نیمگ ءَ لسبیلہ ءَ ھستیں نادراہ جاہ ءَ سرکاری نادلگوشی ءَ مھلوک ءَ دوا درمانی نا دسرسی اِنت-