سمی دم درینگانے – زبیر بلوچ

نبشتانک: سمی دم درینگانے

نبشتہ کار: زبیر بلوچ

دومی بھر

دی بلوچستان پوسٹ

وھابی نیشنلزم جنگوازم ءِ بلوچی ورژن انت جنگو ازم ءَ بلوچ سیاسی سنگتاں کاپی کتگ( کلیں بلوچ سیاسی گل ءُ پارٹیانی پارلیمانی ءُ گیر پارلیمانی ) وتی گراونڈ ءِ ھساب ءَ کارمرز کتگ ۔نوں سرجمی ءَ یک توانا ءُ توانگریں دروشمے ءَ سیاست ءِ توک ءَ موجود انت ۔ اےhegmanic وھابی نیشنلسٹ اپروچ بلوچ نیشنلسٹ سیاست ءِ توک ءَ دیمروئی دوستی ءِ نشنلزم ءَ کاونٹر کنگ ءَ انت ءُ چاگرد ءِ جھلانکی نپ ءُ سیت، مشترکہ national narrative مشترکہ قومی اسٹرٹیجی ءُ مکسد ءِ رھبند ءِ دیم ءَ بلائیں دیوالے جوڑ بوتگ ۔

ھواریں راجی اسٹرٹیجی ءُ ھواریں راجی درشانداب ءُ دیرچاریں پروسیس ءَ چے پد یک ریدگیں فارمے ءَ دیم ءَ کیت۔ راجدپتری تکاں چاگرد ءِ جوانی ءُ جھل ءُ برزی ءِ دوئینانی نام انت ۔ اگاں ما بلوچ ءِ سیاست ءِ جھلانکی دروشم ءَ بِہ چاراں مارا جتا جتائین وئیلانی سرپدی کنگ لوٹ ایت۔ راجدپتر ءِ جھلانکی سپر ءِ سیادی گوں پیداوری تاکت ءُ رنگ ءَ پیداوراں گوں سیادی دار ایت چُشکہ۔ بلے بلوچ ءِ رنگ پیداوار چی انت؟ پیداواری تاکت کجام اَنت؟ اے اکیڈیمک چُشکہ تنیگا بلوچ ءِ کرا نیست انت۔ دنیا یونیورس ءَ چے ملٹی یونیورس ءُ بنگپ ءَ سر بوتگ راستی بِہ زان truthءَ چے post truth ءَ سر بوتگ بلے مئے گورا تنیگا اے ھبر ھشک ءَ یوٹوپیائی ھبر بوت کت کن انت ۔ مارکسی سائنس ءِ رد ءَ چاگرد ءِ جد ءُ جھد اسل کردار ءُ essence پھناتی کردار انت جست ایش انت بلوچ ءِ توک ءَ آ پھنات کجام کجام آں ؟ یا بلوچ چاگرد classless چاگردے؟ کجام پھنات ءِ لٹ ءُ پل ءِ ذمہ وار انت کجام طبقہ نپ ءُ کٹ ورگ ءَ انت کجام پھنات ءَ لس مھلوک ءِ (پرولتاریہ; ھما کہ وتی مھنت ءَ نیادی ءَ بھا کنت وتی لاپ ءَ والینت ) ءِ زرکاری ءِ سیاسی چاگردی ھک جنی ءَ کنگ ءَ انت ۔ اے بلوچ چاگرد ءِ جیڑہ اے جیڑھانی زانگ المی انت ۔

بہ کول ءِ ھیگل ئیگ ءَ زندگیں چیز ھما انت کہ آئی ءِ توک ءَ جیڑہ ھست انت ۔ بلوچ ءِ چاگرد یک زندگیں چاگردے جیڑہ ءَ چے سر باریں چاگردے ۔ جیڑہ زندگی ءُ چاگرد ءَ ھرکت دے اَنت مومنٹ جوڑ کنان کنت ۔ ایشی ءِ واستا مھکمیں تاکت ءُ ایمانداریں تاکت ءِ بوگ المی انت ۔ چاگردی بدلی ءُ چاگردی بدلی ءُ سدلی ءِ سپر دراج بیت اے دیر پند ءُ دراجیں سپر ءِ تہ ءَ انسان ءِ زانت ءِ پھنات برز بوان بیت کوھنیں چیز یل ءَ کنگ بنت۔ نوکیں رویش ءُ ٹرینڈانی جاھا گر انت ۔چاگرد میزان میزان ءَ بدلی ءِ نیمگ ءَ رؤت ۔چمد ءَ چے سنگ ءُ شاھیمانی بنچک ءِ امل چاگرد ءِ توک ءَ بنا بوان بیت بدلی ءِ سائینس ءِ رد ءَ بے سانیں گیر سائینسی ءُ کوھنیں رویش ےِ تب ءُ ھیل ویل کنگ بنت ءُ نوکیں تب ءُ رویش زورگ بنت ۔ اکبر بگٹی ءِ کوش ءَ بلوچ چاگرد ءِ جوانیں بدلی یے ھمدا چے چاگرد بدل بوان بیت ۔ سیاست کلچر لٹریچر ادب شرپ انسانی رویش ءِ مھر ءُ دوستی مچ چیز مٹ بنت ۔بلوچ نوکیں دورے ءَ پند جنان کنت-

دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔