روکپتی بلوچستان ءَ یک کسان سالیں زھگے آپ ءَ کپتگ ءُ بیران بیتگ

مدانچ ءَ یک جنکویں زھگے آپ ءَ کپتگ ءُ بیران بیتگ-

گیشیں ھالانی رد ءَ روکپتی بلوچستان ءِ دمگ فنوج ءَ یک زھگے آپ ءَ کپتگ ءُ بیران بیتگ-

بیران بیتگیں زھگ ءِ پجار مریم زین الدینی ءِ نام ءَ زانگ بیتگ کہ آئی ءِ اُمر دَہ سال گوشگ بیگ ءَ اِنت-

بلوچ کمپین فعالین ءِ رد ءَ ھمے سال ءَ سِی ءُ ھپت شھری وئیلاں بیران بیتگ اَنت کہ آیانی تہ ءَ بیست ءُ یک زھگ ھوار اَنت کہ آپانی تہ ءَ کپتگ، ھوٹگ، دیوالانی تہ ءَ چیر ترگ ءُ دگہ وئیلانی آماچ بیتگ اَنت-

ھمے وڑ ءَ ایرانشھر ءَ ناشناسیں مردمانی تیرگواری ءَ یک مردمے بیران بیتگ-

بیران بیتگیں مردم ءِ پجار گل مھمد دینارزئی ءِ نام ءَ زانگ بیتگ کہ آ ناشناساں تیرانی آماچ کتگ ءُ کشتگ –

ھالانی تہ ءَ گوشگ بیتگ کہ گل مھمد سراوان ءِ نندوک اِنت آ مروچی ایرانشھر ءَ ناشناساں نشانگ کتگ ءُ کُشتگ –

وئیل ءِ درگت ءَ دگہ سرپدی نہ بیتگ اَنت-