کراچی اُرش: بی ایل اے ءِ سرکماش بشیر زیب ءُ دگرانی سر ءَ ارزی نبشتہ

سند ءِ بنجاھی شھر کراچی ءَ سَے شمبے ءِ روچ ءَ شھدربر جاہ ءَ چینیانی سر ءَ بوتگیں وتکشیں بمب تراک ءِ ارزی انسداد دہشتگردی ءِ تانہ ءَ نبشتہ کنگ بوتگ – ارزی نمبر 30/2022 ٹاؤن تانہ ءِ ایس ایچ او سب انسپکٹر بشارت حسین ءِ گوشگ ءِ پد ءَ نبشتہ کنگ بوتگ – 

*ارزی 302، 324، 427، 190، 34 ایکسپلوزیو ایکٹ 3/4 مجریہ 1908  ءُ 7 اے ٹی اے مجریہ 1997* نبشتہ کنگ بوتگ – نبشتہ کتگیں ارزی ءَ ھمے نبشتگ کنگ بوتگ کہ وتکش بیست ءُ دو اپریل سال دوھزار بیست ءُ دو ءَ روچ ءِ ادار دو ءَ کراچی شھدربرجاہ ءِ تہ ءَ مسکن چورنگی آئی بی کیمپس ءِ نزیک ءَ کنفیوشس انسٹیٹوٹ ءَ کنگ بوتگ –

ارزی نبشتہ کنوک ءِ رِد ءَ آھاں روچ ءِ ادار دو ءُ ھشت ءَ تراک ءِ ھال سربوتگ گڈا آ ادار دو نیم ءَ یونیورسٹی ءَ سربوتگ انت اودا ٹیوٹا ہائی ایس ءَ آس لگت بوتگ نزیک ءَ پرپٹ ھم آس لگت بوتگ – فائر برگیڈ لوٹارینگ بوتگ آس کُشتگ ءُ وین ءِ تہ ءَ سَے مردمانی سُتکگیں جون در کتگ انت – ارزی دیوک ءِ رِد ءَ بم ڈسپوزل لوٹارینگ بوتگ ءُ جاھے چار ٹپاس کنائینتگ پہ چار ٹپاس ءَ لھتے چیز دست کپتگ – ارزی ءَ بلوچ لبریشن آرمی سرکماش بشیر زیب بلوچ،  کماندار رحمان گل ءُ جئیند بلوچ ءِ نام نبشتہ کنگ بوتگ انت – اشی ءِ پٹ پول ءَسی ٹی ڈی ءِ القائدہ داعش یونٹ کراچی ءِ سرمستر انسپکٹر ثناءاللہ کنت –